ولاردىڭ ىشىندە ءبىرىنشى سانات بويىنشا (باسشىلار جانە ولاردىڭ ورىنباسارلارى) 753 ادام (4%), ەكىنشى سانات بويىنشا (قۇرىلىمدىق بولىمشەلەردىڭ باسشىلارى) – 4 364 (23%), ءۇشىنشى سانات بويىنشا (ماماندار) – 9 613 (50%), ءتورتىنشى سانات بويىنشا (بىلىكتى جۇمىسشىلار) – 1 749 (9%), ماۋسىمدىق جۇمىستاردا – 926 (5%), كورپوراتيۆتىك اۋىستىرۋ شەڭبەرىندە 1 732 ادام (9%) تارتىلدى.
شەتەلدىك جۇمىس كۇشىن تارتقان جۇمىس بەرۋشىلەردىڭ سانى – 2 021, ولاردا 479 342 قازاقستاندىق ازامات جۇمىس ىستەيدى, بۇل قىزمەتكەرلەردىڭ جالپى سانىنىڭ 96%-ىن قۇرايدى.
شەتەلدىكتەردىڭ باسىم بولىگى قۇرىلىس سالاسىندا – 8 582 ادام (45%) جۇمىس ىستەيدى. تاۋ-كەن ونەركاسىبىندە 2 228 ادام (12%), وڭدەۋ ونەركاسىبىندە – 1 586 (8%), كاسىبي, عىلىمي جانە تەحنيكالىق قىزمەتتە 1 397 شەتەلدىك (7%) جۇمىس ىستەيدى.
ەڭبەكشى ميگرانتتاردىڭ نەگىزگى شىعۋ ەلدەرى: قىتاي – 5 266 ادام (28%), تۇركيا – 1 935 (10%), ءۇندىستان – 1 896 (10%), ۇلىبريتانيا – 1 434 (8%), وزبەكستان – 965 (5%) بولىپ تابىلادى.
ەستەرىڭىزگە سالا كەتەيىك, ىشكى ەڭبەك نارىعىن قورعاۋ ماقساتىندا قر ۇكىمەتى جىل سايىن رەسپۋبليكاعا شەتەلدىك مامانداردى تارتۋ كۆوتاسىن بەلگىلەيدى. 2020 جىلعا ارنالعان كۆوتا جۇمىس كۇشىنىڭ سانىنا قاتىستى 0,32% نەمەسە 29,3 مىڭ بىرلىك مولشەرىندە بەكىتىلدى.
