تاعايىنداۋ • 24 اقپان، 2020

د.بەكمانوۆ مەملەكەتتىك قىزمەتتەر كوميتەتىنىڭ توراعاسى بولىپ تاعايىندالدى

92 رەتكورسەتىلدى

تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ بۇيرىعىمەن داۋلەت نىسانقۇل ۇلى بەكمانوۆ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك قىزمەتتەر كوميتەتىنىڭ توراعاسى قىزمەتىنە تاعايىندالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

داۋلەت بەكمانوۆ 1983 جىلى وزبەكستان رەسپۋبليكاسىنىڭ دوستىق قالاسىندا دۇنيەگە كەلگەن.

2004 جىلى «ميراس» ۋنيۆەرسيتەتىن، 2010 جىلى م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن تامامداعان.

ەڭبەك جولىن 2005 جىلى جەكە كومپانيادا ينجەنەر-جۇيە تەحنيگى بولىپ باستاعان.

2006 جىلدان باستاپ 2011 جىلعا دەيىن مەملەكەتتىك جانە كوممەرتسيالىق ۇيىمداردا ءارتۇرلى لاۋازىمداردا ەڭبەك ەتكەن.

2011 جىلدىڭ قازان ايىنان باستاپ مەملەكەتتىك قىزمەتتە جۇمىس ىستەيدى. بايلانىس جانە اقپارات مينيسترلىگىندە، كولىك جانە كوممۋنيكاتسيالار مينيسترلىگىندە، قر بايلانىس جانە اقپارات اگەنتتىگىندە، قر ينۆەستيتسيالار جانە دامۋ مينيسترلىگىندە مەملەكەتتىك قىزمەتتەردى اۆتوماتتاندىرۋ سالاسىندا باسشىلىق لاۋازىمداردى اتقارعان.

2016 جىلدىڭ ماۋسىمىنان باستاپ 2018 جىلدىڭ قىركۇيەگىنە دەيىن — قر اقپارات جانە كوممۋنيكاتسيالار مينيسترلىگىنىڭ مەملەكەتتىك قىزمەتتەردى دامىتۋ دەپارتامەنتى ديرەكتورىنىڭ ورىنباسارى، اقپاراتتاندىرۋ دەپارتامەنتىنىڭ ديرەكتورى.

2018 جىلعى قىركۇيەكتە «ۇلتتىق اقپاراتتىق تەحنولوگيالار» اق باسقارما توراعاسىنىڭ ورىنباسارى بولىپ تاعايىندالدى.

سوڭعى جاڭالىقتار

ۇقساس جاڭالىقتار