ايماقتار • 24 اقپان، 2020

و. ورازالين: پرەزيدەنتتىك جاستار كادر رەزەرۆىنەن ىرىكتەلگەن ماماندارعا ارتىلعان سەنىم مول

94 رەتكورسەتىلدى

اقتوبە وبلىسىنىڭ اكىمى وڭداسىن ورازالين پرەزيدەنتتىك جاستار كادر رەزەرۆىنەن ىرىكتەلگەن ماماندارمەن جيىن وتكىزدى. بۇل تۋرالى اقتوبە وبلىسى اكىمىنىڭ ءباسپاسوز قىزمەتى حابارلادى

باسقوسۋعا اپپارات باسشىسى نۇرجاۋعان قالاۋوۆ، مارتوك اۋدانىنىڭ اكىمى ەرمەك كەنجەحان ۇلى، كاسىپكەرلىك باسقارماسىنىڭ باسشىسى قايرات رايىمقۇلوۆ، ەكونوميكا جانە بيۋدجەتتى جوسپارلاۋ باسقارماسى باسشىسىنىڭ ورىنباسارى نۇرجان ماقساتوۆ، «AQTOBE HUB» وڭىرلىك دامۋ ورتالىعى كورپوراتيۆتىك قورى» اق-نىڭ ديرەكتورىنىڭ ورىنباسارى ءانۋار نۇرتازين جانە ت.ب پرەزيدەنتتىك جاستار كادر رەزەرۆىنەن ءوتىپ، لاۋازىمدى قىزمەتتەرگە تاعايىندالعان ماماندار قاتىستى.

«پرەزيدەنت قاسىم-جومارت توقاەۆ مەملەكەتتىك باسقارۋ جۇيەسىنە مەريتوكراتيا نەگىزىندە تەك لايىقتى، ءبىلىمدى ادامدار كەلۋلەرى كەرەك. كادرلار ىرىكتەۋدە باسقا قاعيدات بولماۋى ءتيىس.تۇتاستاي العاندا، بىزگە بيلىكتىڭ حالىق الدىنداعى جاۋاپكەرشىلىگىن ارتتىرۋ قاجەت،-دەگەن بولاتىن. وسى تۇستا سىزدەرگە ايتارىم ءار قىزمەتتىڭ قيىندىعى مەن تالابى بولادى. قانداي دارەجەگە بولماسىن ادام ەڭبەكتەنۋدىڭ ارقاسىندا جەتەدى. تاجىريبەمەن قاتار، جەكە قاسيەتتەرمەن دە ەرەكەشەلەنۋى ماڭىزدى»، دەپ اتاپ ءوتتى وبلىس اكىمى.

اقتوبە وبلىسى اكىمىنىڭ اپپارات باسشىسى نۇرجاۋعان قالاۋوۆ وڭىردەگى مەملەكەتتىك قىزمەتتىڭ جاي-كۇيىنە توقتالدى. وبلىس، قالا جانە اۋدان اكىمدىكتەرىنىڭ باسشىلىق لاۋازىمدارىنا «مانساپتىق جوسپارلاۋ كارتاسى» ازىرلەنگەن. وتكەن جىلدىڭ قورىتىندىسى بويىنشا جەرگىلىكتى اتقارۋشى ورگانداردىڭ جالپى جاساقتالۋى 94،8% قۇراعان.ءوز كەزەگىندە بۇل وڭىردەگى مەملەكەتتىك قىزمەتتىڭ تارتىمدىلىعىن كورسەتۋدە.

سونداي-اق ەلگە قىزمەت جاساۋدىڭ جاۋاپكەرشىلىگى مەن تالاپتارىنا توقتالعان ايماق باسشىسى جاستاردان جاڭاشىلدىق، وزگەشە جوبالار كۇتەتىندىگىن جەتكىزدى.

جيىن بارىسىندا «AQTOBE HUB» وڭىرلىك دامۋ ورتالىعى كورپوراتيۆتىك قورى» اق-نىڭ ديرەكتورىنىڭ ورىنباسارى ءانۋار نۇرتازين قورشاعان ورتانى كوگالداندىرۋ، اۆتوكولىك جولدارى مەن ەلەكتروندىق قوعامدىق كولىك سالاسىن دامىتۋعا قاتىستى جوبالارىمەن تانىستىردى. وبلىس اكىمى اتالعان ۇسىنىستى بىرنەشە اۋدانداردا پيلوتتىق جوبا رەتىندە جۇزەگە اسىرۋىعا بولاتىندىعىن ايتتى. ايماق باسشىسىنىڭ پرەزيدەنتتىك جاستار كادر رەزەرۆىنەن ىرىكتەلگەن ماماندارمەن بۇل ەكىنشى رەت كەزدەسۋى ەكەندىگىن ايتىپ وتەيىك.

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار