ايماقتار • 24 اقپان، 2020

«Vivid creation» جوباسى اياسىندا ستۋدەنت ديزاينەرلەردىڭ شىعارماشالىق جۇمىستارى قويىلدى

167 رەتكورسەتىلدى

الماتى تەحنولوگيالىق ۋنيۆەرسيتەتى «Vivid creation» جاڭا شىعارماشىلىق جوباسىن تانىستىردى. وسى جوبا اياسىندا  ۇيىمداستىرىلعان كورمەدە ء سان ديزاينى جانە گرافيكالىق ديزاين ماماندىعىنداعى 1، 2، 3، 4 كۋرس ستۋدەنتتەرىنىڭ 50-دەن استام جۇمىستارى قويىلدى.

اتالعان جوبا ستۋدەنت جاستاردىڭ يەديالارى مەن شىعارماشىلىق ىزدەنىستەرىنە قولداۋ بىلدىرە وتىرىپ، الداعى ۋاقىتتا جاس ديزاينەرلەردى ءوز جولىن تابۋىنا، ولاردىڭ جۇمىستارىنا قولداۋ كورسەتۋدى ماقسات ەتەدى.

«Vivid creation» جوباسى شىعارماشىلىق ەركىندىككە جول اشادى. جوبا ستۋدەنتتەردىڭ شىعارماشىلىق كورمەلەرىن ۇيىمداستىرىپ، كەز كەلگەن شىعارماشىلىق جوبالاردى تانىستىرۋعا نەگىزدەلگەن. جوبا جاڭا بۋىن شىعارماشىلىعىن ناسيحاتتايدى ءارى ۋاقىت تالابىنا قاراي ءداستۇرلى كاسىبي تاجىريبەنى جالعاستىرا وتىرىپ، دامىتۋعا مۇمكىندىك بەرەدى. 

1

جوبا جەتەكشىلەرى ا.تاتاەۆا جانە ا.الداناەۆا  «Vivid creation»  جوباسىنىڭ جەكە شىعارماشىلىق تۇلعالاردىڭ ونەر الەمىن دۇنيە جۇزىنە ناسيحاتتاۋعا مۇمكىندىك بەرەتىندىگىن ايتادى. جاس تالانتتار ءۇشىن مۇنداي كورمەلەردىڭ شىعارماشىلىق كەزەڭدەردەن وتۋدەگى ماڭىزى زور. ونىڭ بارىسىندا جاس سۋرەتشىلەر مەن ديزاينەرلەر شىعارماشىلىقتارىن ناسيحاتتاي وتىرىپ، تاجىريبە جيناۋعا مۇمكىندىك الادى. ۋنيۆەرسيتەت قابىرعاسىندا ءبىلىم الىپ جۇرگەن كەز كەلگەن ستۋدەنت تالانتتى.

بۇل جوبا وسى ستۋدەنتتەر ءۇشىن شىعارماشىلىقتاعى العاشقى قادام بولىپ تابىلادى ءارى بۇل كورمە ولاردى ارى قاراي ۇيرەتۋگە، وقىتۋعا كەڭىنەن مۇمكىندىك بەرەدى. ۇيىمداستىرۋشىلاردىڭ ايتۋىنشا،  كەيبىر ستۋدەنتتەر ءوزىنىڭ بويىنداعى ەرەكشە قابىلەتتى بايقاپ جاتپايدى. وسى ورايدا بىلىكتى مامانداردىڭ ىقپالى زور.  وقۋ بارىسىندا جەكە-جەكە باسپالداقتاردان وتەتىن ستۋدەنتتەر كلاسسيكالىق ءبىلىم بەرۋ كەزەڭدەرىنەن وتەدى. ەرەكشە اۆتورلىق باعدارلامالار ديزاينەرلىك ماماندىقتار بويىنشا قاجەتتى بىلىممەن قامتاماسىز ەتەدى. سۋرەتشىلەر، ديزاينەرلەر، جوعارى ساناتتى ۇستازداردان تۇراتىن وقىتۋشىلار قۇرامى ءاربىر ستۋدەنتكە جەكە باعدار بەرىپ قانا قويماي، شىعارماشىلىق احۋالدى دامىتۋعا ىقپال ەتەدى.

2

«Vivid creation» جوباسىنا قاتىسۋشىلار ءۇشىن جاس مولشەرىنە شەكتەۋ قويىلمايدى.  «Vivid creation» - ونەردە جاڭا ەسىمدەردىڭ تانىلۋىنا بىردەن-ءبىر جول.

 

الماتى

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار