جارىستىڭ ەكىنشى كۇنى جەرلەستەرىمىز جاسىنداي جارقىرادى. سپورت كەشەنىنە جينالعان مىڭداعان جانكۇيەر دانيار قايسانوۆتىڭ ونەرىنە تامسانىپ, قۇلشىنا قول سوقسا, كوپ كەشىكپەي يۋسۋپ باتىرمۇرزاەۆ قازاقتىڭ ءانۇرانىن شىرقاتتى.
اسا اۋىر سالماقتا بەلدەسكەن جەرلەسىمىز تاجىكستاندىق فارحاد اناقۇلوۆ, ۇندىستاندىق ساتەندەر ساتەندەر جانە يراندىق پارۆيز حاديباسمانيدى باس كوتەرتپەي ۇتتى. فينالدا ونىڭ جولى موڭعوليانىڭ مىقتىسى حۋدەربۋلگا دوردجحاندپەن قيىستى. بۇل باسەكەدە دە يۋسۋپ قارسىلاسىنا سوقىر ۇپاي ۇستاتپادى. وسى ايقىن جەڭىسىنىڭ ارقاسىندا باتىرمۇرزاەۆ ازيانىڭ تەڭدەسسىزى دەپ تانىلدى.
