ايماقتار • 24 اقپان، 2020

جەمىستەن چيپس جاسايدى

64 رەتكورسەتىلدى

بۇگىندە كاسىپكەرلىكپەن اينالىسۋعا نيەتتى جاستارعا مەملەكەت تاراپىنان كورسەتىلىپ وتىرعان قولداۋ كوپ. تۇرعىن­داردىڭ تىرلىگىن تىكتەۋگە، ءناسىبىن كاسىپتەن تابۋعا ارنالعان جوبالار اۋىلدا تۇرىپ تا العا باسۋعا مۇمكىندىك بەرەدى.

ەلىمىزدەگى «باستاۋ-بيزنەس» جوباسى اياسىندا وقىعان گۇل­فايرۋز راحمەتوۆا چيپس ءوندىرۋدى قولعا العان. بايزاق اۋدانىنىڭ قۇمجوتا اۋىلىندا تۇراتىن جاس كا­سىپكەر 29 جاسقا دەيىنگى قاي­تارىمسىز گرانتتى جەڭىپ الىپ، مەملەكەت تاراپىنان بەرىل­گەن 1،5 ميلليون تەڭگەگە كوكونىس­تەردى كەپتىرەتىن اپپارات ساتىپ الىپتى. قازىر ۇيىنەن ءتۇرلى جەمىستەردى كەپتىرىپ، چيپس شىعارۋدا.

 ول ونىمدەردى الما، اپەلسين، كيۆي، اناناس سەكىلدى جەمىستەردەن جاسايدى. ەش قوسپاسىز، تابيعي ونىمدەردى وندىرۋدەگى ماقساتى – ءوزىن-ءوزى جۇمىسپەن قامتۋ ارقىلى وتاندىق كاسىپكەرلىكتى دامىتۋ. «الما جانە اپەلسين سياقتى جەمىستەردى بايزاق اۋدانىنان الامىز. بۇگىندە تۇتىنۋشىلار تاراپىنان از بولسا دا تاپسىرىس ءتۇسىپ جاتىر. ەگەر وتاندىق ونىمگە دەگەن سۇرانىس جاقسى بولسا، ءبىر كۇندە 200 قوراپقا دەيىن چيپس شىعارىپ بەرۋگە دايىنمىن. بۇل ءونىم اسىرەسە ديەتا ۇستايتىن ازاماتتار مەن بالالارعا وتە پايدالى. ەشقانداي حيميالىق قوسپاسى جوق، تازا ءونىم»، دەيدى گۇلفايرۋز راحمەتوۆا.

 جاس كاسىپكەر شىعارعان ونىم­دەرىن ازىرگە ينستاگرام الەۋمەتتىك جەلىسى ارقى­لى جار­­نامالاپ ساتۋدا ەكەن. دە­گەن­­مەن، ول تاراز قالاسىن­داعى ءىرى ساۋدا نۇكتەلەرىنە ءونىمدى وتكەرۋ قيىنعا سوعىپ تۇرعانىن دا جاسىرمادى. دۇكەن سورەلەرىندە شەتەلدىڭ شىعارعان ونىمدەرى سامساپ تۇرعانىمەن، شىنىندا دا وتاندىق ونىمدەر از كەزدەسەدى. بۇل رەتتە مەملەكەتتىڭ قول­داۋىن كورىپ وتىرعان گۇلفاي­رۋز راحمەتوۆا ەندى وڭىردە وتان­­­دىق ونىمدەر توپتاس­تى­رىل­عان دۇكەندەر جەلىسى قۇ­رىل­سا ەكەن دەگەن دە تىلەگىن جەت­­كىزدى. «سوندا وزىمىزدەن شى­­عا­تىن ونىمدەردىڭ ءبارى ءبىر جەر­­دە ساتىلىپ، حالىقتىڭ دا سۇرا­­نى­سىنا يە بولار ەدى»، دەيدى ول.

 

جامبىل وبلىسى

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار