قوعام • 24 اقپان، 2020

تەلەارنا جۇمىسىنىڭ ەسەبى تىڭدالدى

22 رەتكورسەتىلدى

«Qazsport» تەلەارناسىنىڭ وتكەن جىلعى اتقارعان جۇ­مىس­تارىنىڭ ەسەبى تىڭدالدى. ءىس-شاراعا اقپارات جانە قوعامدىق دامۋ ءمينيسترى د.اباەۆ، «قازاقستان» رترك» اق باسقارما ءتورايىمى ل.تانىس­باي، «Qazsport» تەلە­ارنا­سىنىڭ ديرەكتورى پ.تسىبۋلين، ۇلتتىق وليمپيادا كوميتەتىنىڭ باس حاتشى­سى س.مۇسايبەكوۆ، ۇلتتىق سپورت تۇرلەرى قاۋىمداستىعىنىڭ پرەزيدەنتى ب.تىلەۋ­حان جانە وزگە دە سپورتتىق فەدەراتسيالار مەن ۇيىمداردىڭ وكىلدەرى قاتىستى.

 

ارنانىڭ 70 پايىز ءونىمى سپورتتىق ترانسلياتسيالاردان تۇرسا، 20 پايىزى باع­دارلامالار مەن جوبالاردى قۇراي­دى. تەلەارنا وتكەن جىلى ازيا-تىنىق مۇحي­تى حابار تاراتۋشىلارىنىڭ وداعىنا (ABU) كىردى. ۇيىمعا 76 ەلدەن 272 ادام مۇشە­لىك ەتەدى.

سونىمەن قاتار قوعامدىق كەڭەس وتى­رى­سىندا 2020 جىلعى توكيو وليمپيا­داسىنىڭ ترانسلياتسياسىن ۇيىمداس­تى­رۋ ماسەلەلەرى تالقىلاندى. 2020 جىلعى جازعى وليمپيا ويىندارىنا قا­زاقستان ازىرگە 29 ليتسەنزيا يەلەندى.

«قازاقستاندا «Qazsport» ارناسىن كورمەيتىن بىردە-ءبىر ادام جوق. 2020 جىلعى توكيو وليمپياداسىنىڭ كورسە­تى­لىمىن دە جوعارى دەڭگەيدە ۇيىمداس­تى­رۋدى قامتاماسىز ەتۋ قاجەت. بيىلعى وليمپيا ويىندارىنا قاتىساتىن سپورتشىلاردىڭ 80 پايىزى – جاستار. بۇل – ەلىمىزدەگى وزگە دە جاستار اراسىندا سپورتتى ناسيحاتتاۋدىڭ بىردەن-ءبىر جولى»، دەدى ءوز سوزىندە اقپارات جانە قوعامدىق دامۋ ءمينيسترى د.اباەۆ.

«ۇلتتىق سپورت تۇرلەرىن ناسيحاتتاۋدا «Qazsport» ارناسىنىڭ ءرولى زور. قاي جاعىنان بولسىن قولداۋ تاۋىپ جاتىر. قازىر ارنا ۇلتتىق سپورت تۇرلەرىن وزگە ەلدە كورسەتۋ بويىنشا باستاما كوتەرۋدە. بۇل – قۇپتارلىق ماسەلە. قاۋىمداستىق تاراپىنان جوبالار ۇسىنۋعا دايىنبىز»، دەدى ۇلتتىق سپورت تۇرلەرى قاۋىمداستىعىنىڭ پرەزيدەنتى ب.تىلەۋحان.

قوعامدىق كەڭەس قاتىسۋشىلارى وتىرىس بارىسىندا ودان بولەك، ۇلت­تىق سپورت تۇرلەرى مەن بۇقارالىق سپورتتى دامىتۋ جانە ناسيحاتتاۋ، قا­زاقستاندىق كوممەنتاتورلار مەكتەبىن ۇيىمداستىرۋ، ەلىمىزدەگى سپورت جۋر­ناليستەرىنىڭ مەكتەبىن قالىپتاستىرۋ تۋرالى پىكىرلەرى مەن ۇسىنىستارىن ءبىل­دىردى.

 

 

سوڭعى جاڭالىقتار

Covid-19: تاعى 3 ادام كوز جۇمدى

كوروناۆيرۋس • كەشە

Covid-19: 184 ادام جازىلىپ شىقتى

كوروناۆيرۋس • كەشە

نۇكتە فيلوسوفياسى

رۋحانيات • كەشە

ۇقساس جاڭالىقتار