قازاقستان • 23 اقپان، 2020

اۋىز سۋ ساپاسى قالىپقا كەلتىرىلدى

26 رەتكورسەتىلدى

سوڭعى 3 ايدا قىزىلوردا قالاسىنداعى «اراي-2» جانە «اراي-3» شاعىن اۋداندارى تۇرعىندارىنان ءتيىستى ورىندارعا اۋىز سۋ ساپاسىنىڭ ناشارلاۋىنا بايلانىستى 19 شاعىم تۇسكەن. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە «قىزىلوردا سۋ جۇيەسى» مكك باسشىسى مارات جاميەۆ باياندادى.

تۇرعىندار ارىزىنا بايلانىستى «قىزىلوردا سۋ جۇيەسى» مەن قالالىق تۇرعىن ءۇي-كوممۋنالدىق شارۋاشىلىق ءبولىمى ماماندارىنان قۇرىلعان كوميسسيا سۋ قۇبىرلارىن جۇرگىزگەن مەردىگەر مەكەمەلەرءدىڭ  قۇرىلىس تالاپتارىن ساقتاماعانىن انىقتادى. قۇرىلىس ءجۇرىپ جاتقاندا سۋ كوزىنە جالعانباعان قۇبىردىڭ ەكى جاعى بىتەلۋى كەرەك. بۇل تالاپتار ساقتالماعاندىقتان، ونىڭ ىشىنە قۇم، توپىراق ءتۇسىپ، سول كۇيىنشە جالعانىپ كەتكەن. ول قۇبىرداعى قىسىم از كەزدە بايقالماي، كەيىن بىلىنە باستاعان. قازىرگى كۇنى سۋ ساپاسى قالىپقا كەلتىرىلدى.

بۇگىندە قالاعا كۇنىنە 42،7 مىڭ تەكشەمەتر كولەمىندە سۋ بەرىلىپ تۇر. ال جاز ايلارىندا بۇل كورسەتكىش ەكى ەسەگە جۋىق كوبەيەدى. سۋ ساپاسىنا قاتىستى بەلگىلەنگەن كەستە بويىنشا باكتەرولوگيالىق ساراپتاما ۋاقىتىلى جاسالىپ تۇر.

كاسىپورىنعا قاراستى 800 شاقىرىم سۋ قۇبىرىنىڭ 20 پايىزىن جاڭارتۋ قاجەت. 400 شاقىرىمدىق كارءىز جۇيەسىنىڭ دە وسىنشا بولىگى ەسكىرگەن. بۇل باعىتتا جوسپارلانعان جۇمىستار كەستەگە سايكەس اتقارىلادى.  

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار