رۋحانيات • 22 اقپان، 2020

مايدانگەرلەر ەرلىگىن جاس زياتكەرلەر زەرتتەيدى

61 رەتكورسەتىلدى

قىزىلوردا قالاسىنداعى نازارباەۆ زياتكەرلىك مەكتەبىنىڭ وقۋشىلارى ۇلى وتان سوعىسىنىڭ ارداگەرى ليۋبوۆ كولەسنيكپەن كەزدەسىپ، زەرتتەۋ جۇمىسىنا قاجەتتى اقپارات جيناقتادى.  

ليۋبوۆ كولەسنيك نەبارءى 19 جاسىندا مايدانعا اتتانعان ەكەن. العاش بەلارۋس مايدانىنا جاقىن جەردە ورنالاسقان اسكەري گوسپيتالدە مەدبيكە رەتىندە قىزمەت ەتكەن مايدانگەر جەڭىستى بەرليندە قارسى العان. 1945 جىلدىڭ تامىز ايىندا قىزىلورداعا ورالىپ، زەينەت جاسقا دەيىن مەديتسينا سالاسىندا ەڭبەك اتقاردى.

كەزدەسۋ بارىسىندا وقۋشىلار سوعىس تۋرالى، ەلىن قورعاعان قاھارماندار ەرلىگى جايلى كوپتەگەن قۇندى اقپارات الدى. الداعى ۋاقىتتا جاس زياتكەرلەر مايدان دالاسىندا بولعاندار تۋرالى ۋيكيپەدياعا مازمۇندى ماقالالار جازىپ، ولاردىڭ ەرلىكتەرىن دارىپتەۋ ارقىلى وسكەلەڭ ۇرپاقتىڭ تانىمىن كەڭەيتۋدى ماقسات ەتەدى.  

الەمدە ەشقاشان سوعىس بولماسىڭ. ەلىمىزگە بەيبىتشىلىك پەن تىنىشتىق تىلەيمىن، دەگەن ليۋبوۆ سەرگەەۆنا مايدانگەرلەر ەرلىگىنە قۇرمەت تانىتقان وقۋشىلارعا العىسىن جەتكىزدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار