ايماقتار • 22 اقپان، 2020

ماڭعىستاۋدا «تۇرمىس» جەدەل ءىس-شاراسى وتكىزىلدى

24 رەتكورسەتىلدى

ماڭعىستاۋ وبلىسىندا پوليتسيا دەپەارتامەنتىنىڭ قۇرىلىمدىق ءبولىنىس قىزمەتكەرلەرىمەن «تۇرمىس» جەدەل الدىن-الۋ ءىس شاراسى وتكىزىلدى.

ءىس-شارانىڭ ماقساتى قىلمىستىق جاعدايدى جاقسارتۋ، ماس كۇيىندەگى اۋىر جانە اسا اۋىر قىلمىستاردىڭ الدىن الۋ، وتباسىلىق جانە تۇرمىستىق قاتىناستار سالاسىنداعى كەلەڭسىزدىكتەردىڭ الدىن الۋعا نەگىزدەلگەن. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.

ءىس-شاراعا 250 قىزمەتكەر جۇمىلدىرىلىپ، جەرگىلىكتى پوليتسيا قىزمەتى قىزمەتكەرلەرىنىڭ جانە پوليتسيانىڭ قوعامدىق كومەكشىلەرىنىڭ بىرلەسكەن توپتارى قۇرىلدى.

ءىس-شارانىڭ نەگىزگى مىندەتتەرى وتباسىلىق-تۇرمىستىق قاتىناستار سالاسىنداعى قۇقىق بۇزۋشىلىقتار ءۇشىن ىشكى ىستەر ورگاندارىنىڭ ەسەبىندە تۇرعان، الكوگولدىك ىشىمدىكتەردى جانە ەسىرتكى زاتتارىن پايدالاناتىن ادامداردى، قولايسىز وتباسىلاردى جانە تۇزەۋ مەكەمەلەرىنەن بوساتىلعان ادامداردى تۇرعىلىقتى جەرى بويىنشا تەكسەرۋ بولىپ تابىلادى. 

ءىس-شارا بارىسىندا ىشكى ىستەر ورگاندارىنىڭ پروفيلاكتيكالىق باقىلاۋىنا جاتاتىن تۇلعالار انىقتالىپ، ەسەپكە قويىلدى. ازاماتتاردىڭ وتباسى-تۇرمىستىق قاتىناستار سالاسىنداعى قۇقىق بۇزۋشىلىقتار تۋرالى وتىنىشتەرى بويىنشا ءتارتىپ بۇزۋشىلارعا مىندەتتى تۇردە قورعاۋ نۇسقاماسىن شىعارۋ ارقىلى اكىمشىلىك ىقپال ەتۋ شارالارى قابىلداندى.

ءىس-شارا بارىسىندا وتباسىلىق-تۇرمىستىق قاتىناستار سالاسىنداعى قۇقىققا قارسى ارەكەتتەر قر اقبتك 73-بابى بويىنشا 29 وتباسىندا جانجال تۋدىراتىن تۇلعا، تۇرمىستا قۇقىق بۇزۋشىلىق جاساعان 206 ازاماتقا قورعاۋ نۇسقاماسى شىعارىلدى، ال قر اقبتك 461-بابى بويىنشا شىعارىلعان قورعاۋ نۇسقاماسىن بۇزعانى ءۇشىن 5 ادام جاۋاپكەرشىلىككە تارتىلدى.

اتالعان كەزەڭدە وبلىس بويىنشا 161-دەن استام تۇرمىستىق زورلىق-زومبىلىق فاكتىلەرى تىركەلگەن، وتباسىنداعى جانجالدار تۋدىراتىن 108 ادامعا قاتىستى قورعاۋ ۇيعارىمدارى شىعارىلدى. ۋچاسكەلىك پوليتسيا ينسپەكتورلارىنىڭ وتىنىشتەرى بويىنشا سوتتار 3 ايدان 1 جىلعا دەيىنگى مەرزىمدە الكوگولدىك ىشىمدىكتەردى قولدانۋعا تىيىم سالا وتىرىپ، قۇقىق بۇزۋشىلاردىڭ مىنەز-قۇلقىنا 2 ەرەكشە تالاپتار بەلگىلەگەن.

شارا بارىسىندا پوليتسيا قىزمەتكەرلەرى ازاماتتارعا «102» تەلەفونى بويىنشا پوليتسيا قىزمەتكەرلەرىن نەمەسە ءوزىنىڭ ۋچاسكەلىك پوليتسيا ينسپەكتورلارىن جانە پوليتسيانىڭ اۋماقتىق بولىمدەرىن، سونىڭ ىشىندە كورشىلەس تۇراتىن جانە ءارتۇرلى قۇقىق بۇزۋشىلىقتار جاساعان، الكوگولدىك ىشىمدىكتەردى تەرىس پايدالاناتىن جانە ەسىرتكى قۇرالدارىن پايدالانعانى بايقالعان ادامدار تۋرالى حاباردار ەتۋ قاجەتتىلىگى تۋرالى ەسكەرتتى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار