رۋحانيات • 21 اقپان، 2020

ۇلتتىق مۋزەيدە «جۇلدىزدى گيد» جوباسى ۇيىمداستىرىلدى

17 رەتكورسەتىلدى

بۇگىن ۇلتتىق مۋزەيدە الەمدىك ەكسكۋرسيا جۇرگىزۋشىلەر كۇنىنە ارنالعان  «جۇلدىزدى گيد» جوباسى ۇيىمداستىرىلدى.

«قۇرمەتتى بۇگىنگى مەرەكەگە جينالعان قاۋىم، سىزدەردى دۇنيەجۇزىلىك ەكسكۋرسوۆودتار كۇنىمەن قۇتتىقتايمىن. قازاقستان ۇلتتىق مۋزەيىندە «جۇلدىزدى گيد» جوباسى وسىمەن 5-ءشى رەت وتكىزىلىپ وتىر. ءار جىلدىڭ 21 اقپانىندا  ەلىمىزدىڭ تانىمال، ءوز سالالارىندا جەتىستىكتەرگە جەتكەن تۇلعالارى مۋزەيىمىزگە كەلىپ كورەرمەندەرگە ەكسكۋرسيا جۇرگىزەدى. بۇل بارشا كورەرمەندەردىڭ قىزىعۋشىلىعىنا يە بولعان ۇلتتىق مۋزەيدىڭ ەڭ ماڭىزدى شارالارىنىڭ ءبىرى دەپ ەسەپتەيمىن. سىزدەردى بۇگىنگى جۇلدىزدارىمىزدىڭ ەكسكۋرسياسىنان ەلىمىزدىڭ تاريحى جايلى ماڭىزدى مالىمەتتەرگە قانىعىپ، تانىمدارىڭىزدى كەڭەيتۋگە شاقىرامىن»، - دەدى شارانىڭ اشىلۋ سالتاناتىندا ءسوز العان ۇلتتىق مۋزەيدىڭ ديرەكتورى ارىستانبەك مۇحامەدي ۇلى.

باعدارلاما بارىسىندا مۋزەي قوناقتارىنا باعدات سامەدينوۆا، جاسۇلان ءجۇرسىن ۇلى، مايرا تولەپبەرگەن، ءجۇمادىلوۆ دانيار سىندى تانىمال ونەر جۇلدىزدارى ەكسكۋرسيا جۇرگىزدى.

«بۇگىنگى ەكسكۋرسوۆودتار مەرەكەسىنە وراي ۇلتتىق مۋزەيدە، ەلىمىزدىڭ كيەلى مەكەمەسىندە حالىققا ارناپ  قىزمەت كورسەتەتىنىمە وتە قۋانىشتىمىن. ءبىزدىڭ قازاق حالقىنىڭ مادەني مۇراسى قۇندى، رۋحاني قازىنالارعا باي. ەلىمىزدىڭ جاستارىن مۋزەيگە كەلىپ ءبىلىم الىپ، قۇندى جادىگەرلەردى كورىپ، تاريحىمىزدى زەرتتەپ، دارىپتەۋگە شاقىرامىن. بۇگىنگى مەرەكە قۇتتى بولسىن! وسى سىندى مەرەكەلەر كوپ بولسىن.  كونە ەكسپوناتتاردى تاماشالاپ، كوڭىلدەرىڭىزگە ءتۇيىپ، جاقسى كوڭىل-كۇيدە بولۋلارىڭىزدى تىلەيمىن»،- قازاقستاننىڭ ەڭبەك سىڭىرگەن ءارتىسى باعدات سامەدينوۆا.

1

مۋزەي كەلۋشىلەرى ءوز كۋميرلەرىن جاڭا قىرىنان – ەكسكۋرسيا جۇرگىزۋشىسى رەتىندە تانىپ، مۋزەي ەكسپوزيتسياسىنا ونەر مايتالماندارىنىڭ كوزىمەن قاراي الدى. باعدارلامانىڭ قورىتىندىسى جوباعا قاتىسۋشى ارتىستەردىڭ كونتسەرتتىك شاراسىمەن اياقتالدى.

 

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار