كەزدەسۋ بارىسىندا ر.ەسبۋلاتوۆا ينۆەستيتسيالىق ماسەلەلەرگە توقتالا كەلە, ەلشىلىك قازاقستاندىق سەرىكتەستەرمەن قارىم-قاتىناستى ورناتۋدا قول ۇشىن بەرۋگە دايىن ەكەندىگىن جەتكەزە وتىرىپ, ينۆەستيتسيالىق جوبالاردى ىسكە اسىرۋدا شەتەلدىك قاتىسۋشىلار ءۇشىن قر ۇكىمەتى تاراپىنان قابىلدانعان شارالار مەن جاسالىپ وتىرعان جاعدايلار ايتىپ ءوتتى.
اۋىل شارۋاشىلىعى, ازىق-ت ۇلىك جانە جەڭىل ونەركاسىپ سالاسىنداعى ارنايى ەكونوميكالىق جانە يندۋستريالدى ايماقتار اياسىنداعى مۇمكىندىكتەر تانىستىرىلدى.
سونىمەن قاتار عالامدىق قاتىناستار ءبولىمىنىڭ ديرەكتورى جانە مەنەدجەرى پ.پحورنپحيبۋن مەن ر.كيتتاچاروەنچاي, سونداي-اق حالىقارالىق بيزنەستى دامىتۋ جونىندەگى اعا مەنەدجەر س.انۋچاتيبۋد سەكىلدى تايلاندتىق برەندتىڭ جەتەكشىلەرى, قازاقستان نارىعىن جان-جاقتى زەرتتەي وتىرىپ, قازاقستاندىق الەۋەتتى سەرىكتەستەرمەن كەزدەسۋ ءۇشىن قازاقستانعا بيزنەس ميسسيامەن كەلۋگە شاقىرىلدى. تاراپتار بۇل بولاشاقتا جاسالۋى مۇمكىن كوممەرتسيالىق ءوزارا ءىس-قيمىلدىڭ العاشقى قادامى ەكەنىنە سەنىم ءبىلدىردى.
