پرەزيدەنت • 21 اقپان، 2020

مەملەكەت باسشىسى بىرقاتار كەزدەسۋ وتكىزدى

54 رەتكورسەتىلدى

قاسىم-جومارت توقاەۆ قازاقستاندىق EcoJer وڭىرلىك ەكولوگيالىق باستامالار قاۋىمداستىعى كەڭەسىنىڭ ءتورايىمى ءلاززات رامازانوۆانى، Kaspi.kz كومپانياسىنىڭ نەگىزىن قالاۋشىلار ۆياچەسلاۆ كيم مەن ميحايل لومتادزەنى قابىلدادى. بۇل تۋرالى اقوردانىڭ ءباسپاسوز قىزمەتى حابارلادى.  

سونداي-اق ءلاززات رامازانوۆا مەملەكەت باسشىسىنا EcoJer قاۋىمداستىعىنىڭ جۇمىسى، ونەركاسىپ ورىندارىنىڭ اۋا ساپاسىن لاستاۋىن تومەندەتۋگە باعىتتالعان تەحنولوگيالاردى ازىرلەۋ جانە ەنگىزۋ جايىندا ايتتى.

كەزدەسۋ بارىسىندا جاڭا ەكولوگيالىق كودەكس جوباسىنىڭ نەگىزگى ەرەجەلەرى تالقىلاندى. ونى دايىنداۋعا قوعامدىق بىرلەستىكتەر بەلسەنە اتسالىستى.

مەملەكەت باسشىسى ەكولوگيالىق زاڭنامانى الدىڭعى قاتارلى حالىقارالىق ستاندارتتارعا سايكەستەندىرۋ قاجەتتىگىنە توقتالدى.

Kaspi.kz ديرەكتورلار كەڭەسىنىڭ توراعاسى ۆياچەسلاۆ كيم مەن باسقارما توراعاسى ميحايل لومتادزە پرەزيدەنتكە تسيفرلىق قىزمەت كورسەتۋ سەرۆيسىنىڭ جانە ءتيىستى ەكوجۇيەنىڭ دامۋ ستراتەگياسى، سونداي-اق، قازاقستانداعى ەلەكتروندى كوممەرتسيانىڭ ءوسۋ پەرسپەكتيۆالارى تۋرالى باياندادى. اسىرەسە كومپانيانىڭ شاعىن جانە ورتا بيزنەسكە قولداۋ كورسەتۋ جونىندەگى جوسپارىنا ەرەكشە ءمان بەرىلدى.

مەملەكەت باسشىسىنا Kaspi.kz كومپانياسىنىڭ اكتسيالارىن الداعى ۋاقىتتا لوندون قور بيرجاسى مەن استانا حالىقارالىق قارجى ورتالىعىنىڭ الاڭدارىنا اشىق تۇردە ورنالاستىرۋعا دايىندىق جايى ايتىلدى. 

پرەزيدەنت قازاقستاندىق بانكتىڭ جۇمىسىنا تەحنيكالىق يننوۆاتسيالاردى ەنگىزۋدىڭ ماڭىزدى ەكەنىن اتاپ ءوتتى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار