ۇكىمەت • 21 اقپان، 2020

ينۆەستيتسيالىق احۋالدى جاقسارتۋ جونىندەگى كەڭەس سالىق ساياساتى ماسەلەلەرىن قارادى

13 رەتكورسەتىلدى

پرەمەر-مينيستر اسقار ءماميننىڭ توراعالىمەن وتكەن ينۆەستيتسيالىق احۋالدى جاقسارتۋ جونىندەگى كەڭەس (ياجك) وتىرىسىندا سالىق ساياساتى ماسەلەلەرى جانە ونىڭ قازاقستانداعى ينۆەستيتسيالىق احۋالعا ىقپالى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

سالىق سالۋدىڭ شەتەلدىك تاجىريبەسى مەن ونىڭ قولايلى ىسكەرلىك احۋالدى قالىپتاستىرۋداعى جانە ەكونوميكالىق باسەكەلەستىكتى دامىتۋداعى ءرولى، سونداي-اق قازاقستاندا سالىقتىق اكىمشىلەندىرۋ مەن فيسكالدى ساياساتتىڭ ىلگەرلەمەلى ادىستەرىن ىسكە اسىرۋ بويىنشا ۇسىنىستار تۋرالى قازاقستاندا اككرەديتتەلگەن ۇلىبريتانيا ەلشىسى م. گيففورد، كانادا ەلشىسى ن. برۋسسو، ەۋروپالىق وداق ەلشىسى سۆەن-ولوۆ كارلسسون، اقش ەلشىلىگىنىڭ ىستەرىندەگى ۋاقىتشا سەنىمدى وكىل ت. ليۋنگ، سونداي-اق ينۆەستيتسيالىق قاۋىمداستىقتىڭ –  EY، Deloitte، PwC، Heidelberg Cement كومپانيالارىنىڭ وكىلدەرى باياندادى.

قازاقستاندا جۇرگىزىلىپ جاتقان سالىقتىق اكىمشىلەندىرۋ رەفورماسى تۋرالى قر ۇلتتىق ەكونوميكا ءمينيسترى ر. دالەنوۆ، قارجى ءبىرىنشى ۆيتسە-ءمينيسترى ب. شولپانقۇلوۆ سويلەدى.

«2019 جىلدىڭ قورىتىندىسى بويىنشا قازاقستاننىڭ ءجىو 4،5%-عا ءوستى. ءوسىم نەگىزىنەن شيكىزاتتىق ەمەس سالالار – قۇرىلىس (12،9%)، ساۋدا (7،6%)، كولىك  (5،1%)، وڭدەۋ ونەركاسىبى (4،4%) ەسەبىنەن قامتاماسىز ەتىلدى. ەلگە تارتىلعان تىكەلەي شەتەلدىك ينۆەستيتسيالار كولەمى $25 ملرد دەيىن ۇلعايدى. حالىقتىڭ ناقتى تابىسى  5،5%-عا ارتتى، ينفلياتسيا جوسپارلى دالىزدە ساقتالىپ، 5،4% قۇرادى. الەمدىك ەكونوميكانىڭ كەزەڭدىك باسەڭدەۋى مەن قىتايداعى احۋالعا بايلانىستى تاۋەكەلدەر جاعدايىندا بەلگىلەنگەن دامۋ ترەندىن ساقتاۋ مەن نىعايتۋ ءبىزدىڭ باسىمدىعىمىز بولىپ قالا بەرەدى»، — دەدى ا. مامين.   

پرەمەر-مينيستر ەكونوميكالىق ءوسىمدى قامتاماسىز ەتۋدەگى، ىسكەرلىك احۋالدى جاقسارتۋداعى، حالىقتىڭ جۇمىسپەن قامتىلۋىن ارتتىرۋداعى جانە ينۆەستيتسيا تارتۋداعى تيىمدىلىگىن ارتتىرۋ ماقساتىندا قر-دا جۇرگىزىلىپ جاتقان سالىق جۇيەسىنىڭ رەفورماسى تۋرالى ايتىپ بەردى.

ء«بىز قازاقستاننىڭ حالىقارالىق پوزيتسياسىن ناقتى ءارى ايقىن سالىق جۇيەسى بار، سەنىمدى جانە بولجامدى ينۆەستيتسيالىق باعىت رەتىندە ودان ءارى نىعايتۋ تۋرالى ۇسىنىستاردىڭ ءتيىمدى ورىندالۋىن قامتاماسىز ەتەمىز»، — دەپ تۇيىندەدى ا. مامين.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار