ا-2 «الماتى – تاشكەنت – تەرمەز» جانە تەمىرلان تاس جولى قيىلىسىنداعى جول ايرىعىنىڭ وڭ جاق وتكەلدەرىن قايتا قۇرۋ جۇمىسىمەن تانىسقان مۇرات دۇيسەنبەك ۇلى مەردىگەرلەرگە جۇمىستى تاياۋ ارادا بىتىرۋدە قاتاڭ تاپسىردى.
ودان سوڭ شاھار باسشىسى تەمىرلان تاس جولى – مانگەلدين كوشەلەرى قيىلىسىنداعى جەر ءۇستى جاياۋ جۇرگىنشىلەر وتكەلىنىڭ قۇرىلىسىنا باردى.
وتكەلدىڭ ساپاسىنا كوڭىل اۋدارعان اكىم جۇمىستى جانداندىرىپ, نىساندى حالىق يگىلىگىنە تەزىرەك بەرۋ كەرەكتىگىن ايتتى. وتكەل الداعى ناۋرىز ايىندا تولىق پايدالانۋعا بەرىلمەك.
سونداي-اق م.ايتەنوۆ قوناەۆ داڭعىلىنىڭ جالعاسىن ۇزارتۋ قۇرىلىسىنىڭ باسىنا بارىپ, تۇرعىندارمەن كەزدەسىپ, تۇسىندىرمە جۇمىستارىن جۇرگىزدى.
ەسكە سالساق, قوناەۆ داڭعىلىن ۇزارتۋ جۇمىستارى وتكەن جىلى باستالعان بولاتىن. بيىل بۇل جۇمىستى جالعاستىرۋ ءۇشىن قازىنادان 269,580 ملن تەڭگە قاراستىرىلدى. كوشەنىڭ ۇزىندىعى 58 شاقىرىمدى قۇراماق. ال, ەنى 6 جولاقتى 23 م بولادى دەپ جوسپارلانۋدا. «وتاۋستروي» جشس-ءى قولعا العان بۇل جوبا جىل سوڭى جەلتوقسان ايىندا اياقتالماق.
مادەني قالاداعى قوناەۆ گۇلزارى تۇركىستان كوشەسىنەن تەمىر جولعا دەيىن جالعاسادى.
شىمكەنت
