ساياسات • 21 اقپان، 2020

قازاقستان مەن سەربيا جاستار ساياساتى جانە سپورت شەڭبەرىندە ىنتىماقتاستىقتى جانداندىرۋدا

6 رەتكورسەتىلدى

قازاقستان مەن سەربيا اراسىنداعى جاستار ساياساتى مەن سپورت سالاسىنداعى ىنتىماقتاستىقتى ىلگەرىلەتۋ ماسەلەلەرىن تالقىلاۋ ماقساتىندا قازاقستاننىڭ سەربياداعى ەلشىسى عابيت سىزدىقبەكوۆ سەربيا رەسپۋبليكاسىنىڭ جاستار جانە سپورت ءمينيسترى ۆانيا ۋدوۆيچيچپەن كەزدەستى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

كەزدەسۋ بارىسىندا سپورت سالاسىنداعى مينيسترلىكتەر اراسىندا ىنتىماقتاستىق تۋرالى كەلىسىمگە قول قويۋ تۋرالى ناقتى ۋاعدالاستىققا قول جەتكىزىلدى. سونىمەن قاتار اقپارات جانە قوعامدىق دامۋ مينيسترلىگى مەن سەربيا رەسپۋبليكاسى جاستار ىستەرى جانە سپورت مينيسترلىگى اراسىندا قول قويىلعان جاستار ساياساتى سالاسىنداعى ءوزارا تۇسىنىستىك تۋرالى مەموراندۋم شەڭبەرىندە ناقتى ءىس-شارالار جوسپارىن دايىنداۋ جانە ىنتىماقتاستىقتى كەڭەيتۋ سۇراقتارى تالقىلاندى.

اتاپ ايتقاندا، تاراپتار جىل سايىن ءوزارا نەگىزدە جاستار ءۇشىن جازعى دەمالىستار ۇيىمداستىرۋ جانە كەشەندى سپورتتىق تۋرنيرلەر وتكىزۋ مۇمكىندىكتەرىن قاراستىردى. مينيستر قازاقستانمەن ەكىجاقتى قارىم-قاتىناستى جوعارى باعالاي وتىرىپ، ونىڭ ۆەدومستۆوسىنا قاراستى بارلىق باعىتتار بويىنشا سەرىكتەستىكتى ىلگەرىلەتۋگە بارىنشا ىقپالداساتىنىن مالىمدەدى.

سوڭعى جاڭالىقتار

ۇقساس جاڭالىقتار