قازاقستان • 21 اقپان، 2020

«Diamond Princess» لاينەرىندەگى ەكى قازاقستاندىق ەرتەڭ ەلگە ورالادى

19 رەتكورسەتىلدى

قازاقستاننىڭ جاپونياداعى ەلشىلىگىنىڭ اقپاراتىنا سايكەس، بۇگىن «Diamond Princess» كرۋيزدىك لاينەرىندە بولعان تاعى ەكى ازاماتىمىز جەرگە ءتۇسىرىلدى. ولار قازىر توكيو قوناق ۇيلەرىنىڭ بىرىندە دەمالۋدا. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

- لاينەردە بولعان ءبىزدىڭ بارلىق ازاماتىمىز كوروناۆيرۋستى انىقتايتىن تەستتەن ءوتىپ، ناتيجەلەرى تەرىس شىقتى. ولار ەرتەڭ ەلگە ورالاتىن بولادى دەپ كۇتىلۋدە. ءبىزدىڭ توكيوداعى ديپلوماتتار لاينەردە قازاقستاننىڭ ازاماتتارى بار ەكەنى بەلگىلى بولعان كەزدەن باستاپ ولارمەن تۇراقتى بايلانىس ورناتىپ، ولارعا قاجەتتى بارلىق كونسۋلدىق-قۇقىقتىق كومەك كورسەتتى، - دەلىنگەن حابارلامادا.

سوڭعى جاڭالىقتار

ۇقساس جاڭالىقتار