ساياسات • 21 اقپان، 2020

قازاقستان مەن وزبەكستان ەكى ەل اراسىنداعى اۋە قاتىناسىن كەڭەيتۋگە نيەتتى

12 رەتكورسەتىلدى

تاشكەنت قالاسىندا «Uzbekistan Airports، Aviation & Logistics Forum 2020» حالىقارالىق اۆياتسيا-لوگيستيكالىق فورۋمى اياسىندا قر يدم ازاماتتىق اۆياتسيا كوميتەتىنىڭ توراعاسى تالعات لاستاەۆتىڭ وزبەكستان رەسپۋبليكاسىنىڭ كولىك ءمينيسترى ەليار گانيەۆپەن، اۋە كولىگىن دامىتۋ دەپارتامەنتىنىڭ باستىعى ۇلىقبەك بەكتاشەۆپەن، سونداي-اق «Uzbekistan Airports» اق باسقارما توراعاسى روۆشان يسمايلوۆپەن كەزدەسۋى ءوتتى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

كەزدەسۋ بارىسىندا تاراپتار قازاقستان مەن وزبەكستاننىڭ ازاماتتىق اۆياتسياسىن دامىتۋ پەرسپەكتيۆالارىن، ونىڭ ىشىندە قازاقستاننىڭ اۋەجايلارىندا ەنگىزىلگەن «اشىق اسپان» رەجيمى اياسىندا شەتەلدىك اۋە كومپانيالاردى تارتۋ بويىنشا قابىلدانعان شارالاردى تالقىلادى.

سونىمەن قاتار تاراپتار قازاقستان مەن وزبەكستان اراسىنداعى اۋە قاتىناسىن ودان ءارى كەڭەيتۋ قاجەتتىلىگىن راستادى. كەزدەسۋ قورىتىندىسى بويىنشا ەكى ەل اراسىندا رۇقسات ەتىلگەن جيىلىكتەر سانىن ارتتىرۋ، سونداي-اق قازاقستان مەن وزبەكستاننىڭ اۋە تاسىمالداۋشىلارى ءۇشىن ەكى ەلدىڭ اۋماعىندا جاڭا تاعايىنداۋ پۋنكتتەرىن قوسۋ بويىنشا جۇمىستى جالعاستىرۋ ۋاعدالاستىققا قول جەتكىزىلدى.

سوڭعى جاڭالىقتار

ۇقساس جاڭالىقتار