قوعام • 21 اقپان، 2020

ن. مۇقىشەۆ الەۋمەتتىك-ەڭبەك سالاسىن تسيفرلاندىرۋدىڭ 2019 جىلعى ناتيجەلەرىن قورىتىندىلادى

12 رەتكورسەتىلدى

ورتالىق كوممۋنيكاتسيالار قىزمەتىندە وتكەن بريفينگتە ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ناريمان مۇقىشەۆ ەڭبەك جانە حالىقتى الەۋمەتتىك قورعاۋ مينيسترلىگىنىڭ 2019 جىلى الەۋمەتتىك-ەڭبەك سالاسىن تسيفرلاندىرۋ بويىنشا جۇمىسىنىڭ قورىتىندىلارىن جاريالادى. بۇل تۋرالى اتالعان مينيسترلىكتىڭ ءباسپاسوز قىزمەتى حابارلادى.

ن. مۇقىشەۆ «ازاماتتىڭ الەۋمەتتىك ID كارتاسى»، «ەلەكتروندىق ەڭبەك شارتتارىن ەسەپكە الۋدىڭ بىرىڭعاي جۇيەسى» سياقتى جوبالاردىڭ جۇمىس ناتيجەلەرىنە نازار اۋدارىپ، سونداي-اق الەۋمەتتىك-ەڭبەك سالاسىنداعى مەملەكەتتىك قىزمەتتەردى ەلەكتروندىق جانە پرواكتيۆتى فورماتقا كوشىرۋ تۋرالى جان-جاقتى ايتىپ بەردى.

«قازاقستان ازاماتىنىڭ الەۋمەتتىك ID كارتاسى» - بۇل جاردەماقىلار مەن تولەمدەر تۇسەتىن پلاستيكالىق كارتا. كارتانىڭ كومەگىمەن قىزمەتتەرگە اقى تولەۋگە بولادى. بۇل رەتتە، ەگەر كارتانىڭ يەسى جەڭىلدىك ساناتىنا جاتاتىن بولسا، اقشا ەسەپتەن شىعارىلمايدى، بىراق تولەم تۋرالى حابارلاما كورسەتىلەدى. الەۋمەتتىك ID كارتا ااك تولەمىن، قوعامدىق كولىكتە جول ءجۇرۋ اقىسىن تولەۋدى، مەكتەپتەردە كوپبالالى جانە تابىسى از وتباسىلاردىڭ بالالارىنا اقىسىز تاماقتانۋدى كوزدەيدى.

ونى پيلوتتىق ىسكە اسىرۋ اقتوبە اكىمدىگىمەن بىرلەسىپ 2019 جىلعى شىلدەدە باستالدى، وپەراتورى «قازپوشتا» اق.

«كارتانىڭ اقتوبەلىكتەر ءۇشىن ءتيىمدى ەكەنىن كورگەندە، ءبىز جوبانى بىرتىندەپ كەڭىنەن قولدانۋ تۋرالى شەشىم قابىلدادىق. وسىلايشا، الەۋمەتتىك ID كارتا قازىرگى كەزدە نۇر-سۇلتان قالاسىندا، اتىراۋ، قاراعاندى، قىزىلوردا، پاۆلودار جانە ماڭعىستاۋ وبلىستارىندا ءساتتى ەنگىزىلۋدە. 45 مىڭعا جۋىق كارتا شىعارىلىپ، 31 مىڭ ترانزاكتسيا جۇزەگە اسىرىلدى. بيىل الەۋمەتتىك كارتالاردى بۇكىل ەل بويىنشا ەنگىزۋدى جوسپارلاپ وتىرمىز»، - دەدى ناريمان مۇقىشەۆ.

ۆيتسە-ءمينيستردىڭ ايتۋىنشا، ەڭبەك سالاسىن تسيفرلاندىرۋ شەڭبەرىندە «ەلەكتروندىق ەڭبەك شارتتارىن ەسەپكە الۋدىڭ بىرىڭعاي جۇيەسى» جوباسى جۇزەگە اسىرىلۋدا. بۇل جەكە كۋالىك بويىنشا جۇمىسقا ورنالاسۋعا مۇمكىندىك بەرەدى. بۇرىن بۇل ءۇشىن جۇمىس بەرۋشىنىڭ تالابى بىرنەشە قۇجات جيناۋ كەرەك بولاتىن. بۇل ۋاقىت پەن اقشانى ىسىراپ ەتۋشىلىك. سونىمەن بىرگە جوبا جۇمىس بەرۋشىلەردىڭ شارتتاردى باسىپ شىعارۋ جانە ساقتاۋ شىعىندارىن، وسى پروتسەستى جۇرگىزۋگە شتاتتا بىرنەشە ادامنىڭ بولۋى سياقتى شىعىنداردى ازايتادى.

«ەلەكتروندىق ەڭبەك شارتتارىن ەسەپكە الۋدىڭ بىرىڭعاي جۇيەسى» جوباسىنا 26 مىڭ ۇيىم قوسىلعان. بۇگىنگى تاڭدا 1،1 ميلليوننان استام ەلەكتروندىق شارتتار تىركەلگەن. بۇل جۇمىسشىلاردىڭ ەڭبەك قۇقىقتارىن قورعاۋعا مۇمكىندىك بەرەدى، جۇمىسقا قابىلداۋ پروتسەسىن جەڭىلدەتەدى، قۇجاتتاردىڭ جالعان بولۋ قاتەرىن ازايتادى. بيىل ەڭبەك كودەكسىنە تۇزەتۋلەر قابىلدانىپ، شارتتاردى جۇيەدە جۇرگىزۋ مىندەتتى بولادى دەپ سەنەمىز. بۇدان باسقا، ءبىز قىزمەتكەردىڭ جەكە ءىسىن اۆتوماتتى تۇردە قالىپتاستىرۋ ءۇشىن جۇمىس ىستەپ جاتىرمىز»، - دەدى ول.

مينيسترلىكتىڭ مەملەكەتتىك قىزمەتتەرىن تسيفرلاۋ بويىنشا ۇلكەن جۇمىستار اتقارىلۋدا. 2019 جىلى قر ەڭبەكمينى قىزمەتىنىڭ 80%-ى ەلەكتروندىق فورماتقا اۋىستىرىلدى. بۇگىنگى كۇنى الەۋمەتتىك-ەڭبەك سالاسىنداعى 40 مەملەكەتتىك قىزمەتتىڭ 18-ءى ەلەكتروندىق، 14-ءى پرواكتيۆتى، ياعني SMS ارقىلى جانە 10-ى كومپوزيتتەن كورسەتىلەدى. 2020 جىلدىڭ سوڭىنا دەيىن مينيسترلىكتىڭ ەلەكتروندىق فورماتتا قولجەتىمدى قىزمەتتەرىنىڭ ۇلەسىن 90% - عا دەيىن ارتتىرۋ جوسپارلانۋدا.

ء«بىزدىڭ مىندەتىمىز – جىل سوڭىنا دەيىن ازاماتتار ءبىزدىڭ قىزمەتتەرىمىزدىڭ 70% -ىن ەلەكتروندىق فورماتتا الۋىن قامتاماسىز ەتۋ. بۇل نەگىزىنەن تۇسىندىرمە. بۇگىنگى كۇنى كوپتەگەن ازاماتتار پرواكتيۆتى قىزمەتتى ۇسىنۋ تۋرالى SMS-حابارلاما العان بولسا دا، وعان جاۋاپ بەرمەيدى جانە حقكو-عا بارادى. تسيفرلاندىرۋ ءوزارا پروتسەسس ەكەنىن باسا ايتقىم كەلەدى. قىزمەتتى ەلەكتروندىق نەمەسە پرواكتيۆتى تۇردە قولجەتىمدى ەتۋ جەتكىلىكسىز، ونى ازاماتتار پايدالانۋعا ءتيىس. سوندىقتان مەن بارلىعىن قىزمەت الۋداعى يننوۆاتسيالىق ادىستەردى بەلسەندى قولدانۋعا شاقىرامىن»، - دەپ تۇيىندەدى ۆيتسە-مينيستر.

ەسكە سالايىق، ەڭبەكمينى تسيفرلىق جوبالاردى ىسكە اسىرۋ جانە مەملەكەتتىك قىزمەتتەردى ەلەكتروندىق جانە پرواكتيۆتى فورماتقا كوشىرۋ ارقىلى رەسپۋبليكالىق بيۋدجەتتە 3،03 ملرد تەڭگە ۇنەمدەدى. وسى سومانى ەسەپتەۋ كەزىندە «ەلەكتروندىق ەڭبەك بيرجاسى»  جانە «ەڭبەك شارتتارىن ەسەپكە الۋدىڭ بىرىڭعاي جۇيەسى» سياقتى جوبالار، سونداي-اق ەلەكتروندىق فورماتقا كوشىرىلگەن مەملەكەتتىك قىزمەتتەر ەسكەرىلدى.

سوڭعى جاڭالىقتار

ۇقساس جاڭالىقتار