مۋزەي مالىمەتتەرى بويىنشا, قازىرگى تاڭدا مۇراجاي قورىندا 1000-نان استام مۋزىكالىق اسپاپتار ساقتالعان. كەلۋشىلەرگە ەكسپوناتتار جايىندا تولىق ماعلۇمات بەرۋ ءۇشىن مادەنيەت وشاعى زاماناۋي اقپاراتتىق جانە بەينە قۇرىلعىلارمەن جابدىقتالعان.
الماتى قالاسى «رۋحاني جاڭعىرۋ» جوبالىق كەڭسەسىنىڭ مالىمەتىنە سۇيەنسەك, مۇراجايدا ەلباسىنىڭ « ۇلى دالانىڭ جەتى قىرى» ماقالاسىن جۇزەگە اسىرۋ ماقساتىندا قوردا ساقتالعان اسپاپتاردىڭ دىبىسىن قايتا جاڭعىرتۋ ءۇشىن «جادىگەر» اتتى مۋزىكالىق انتولوگيا جارىققا شىقتى. انتولوگيا اۆتورلارى ءداستۇرلى ونەر مايتالماندارى مۋزەيدە ساقتالعان ءىرى تۇلعالاردىڭ دومبىراسىمەن, ولاردىڭ بەلگىلى ءبىر شىعارماسىن ورىنداپ, دىبىستارىن قايتا جازىپ شىققان.
