ا.شاكىروۆ جالپى كوميتەتتەردىڭ بىرلەسكەن وتىرىسىندا قازاقستاندا جۇرگىزىلىپ جاتقان ساياسي جانە دەموكراتيالىق وزگەرىستەر تۋرالى اسسامبلەيا مۇشەلەرىن حاباردار ەتتى.
اتاپ ايتقاندا, «قۇلاق اساتىن مەملەكەت» تۇجىرىمداماسىنىڭ اياسىندا جۇزەگە اساتىن كوپ پارتيالىقتى دامىتۋ, پارلامەنتتىك وپپوزيتسيا قۇقىقتارىن نىعايتۋ, ايەلدەر مەن جاستاردى زاڭ شىعارۋ سالاسىنا تارتۋ, قۇقىق قورعاۋ جۇيەسى مەن بەيبىت جينالىستار تۋرالى زاڭنامانى جەتىلدىرۋ جونىندەگى شارالار اتاپ ءوتىلدى.
وتىرىس قورىتىندىسىن شىعارۋ كەزىندە پارلامەنتتىك اسسامبلەيانىڭ توراعاسى گەورگي تسەرەتەلي قازاقستاندا جۇرگىزىلىپ جاتقان رەفورمالاردى جانە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ وسى ۇدەرىسكە تىكەلەي قاتىسىپ كەلە جاتقانىن جوعارى باعالادى.
ەقىۇ پا قىزمەتىنە قوسقان ەلەۋلى ۇلەسىنە نازار اۋدارا وتىرىپ گ.تسەرەتەلي مەملەكەت باسشىسىن ۇيىمنىڭ الداعى شارالارىنا, اتاپ ايتقاندا, بيىلعى شىلدە ايىندا ۆانكۋۆەردە وتەتىن اسسامبلەيانىڭ جىل سايىنعى سەسسياسىنا قۇرمەتتى قوناق رەتىندە شاقىردى.
سەسسيا اياسىندا قازاقستان پارلامەنتى سەناتى توراعاسىنىڭ ورىنباسارى ەقىۇ پارلامەنتتىك اسسامبلەياسىنىڭ باسشىلىعىمەن جانە اۋستريا پارلامەنتى ۇلتتىق كەڭەسىنىڭ توراعاسى ۆولفگانگ سوبوتكامەن بىرقاتار كەزدەسۋلەر وتكىزدى.
پارلامەنت دەپۋتاتتارى ساياسي ماسەلەلەر جانە قاۋىپسىزدىك, ەكونوميكالىق ماسەلەلەر, عىلىم, تەحنولوگيالار جانە قورشاعان ورتا, دەموكراتيا, ادام قۇقىقتارى جانە گۋمانيتارلىق ماسەلەلەر جونىندەگى جالپى كوميتەتتەردىڭ پىكىرسايىستارىنا قاتىستى. كەمسىتۋشىلىك پەن توزبەۋشىلىككە قارسى كۇرەس, ۇزاققا سوزىلعان جانجالداردى شەشۋ, كليمات وزگەرىستەرىنىڭ سەبەپ-سالدارى جانە تاعى باسقالار كۇن تارتىبىندەگى نەگىزگى ماسەلەلەر بولىپ تابىلادى.
