الدىمەن سەناتورلار جوعارعى سوت جانىنان قۇرىلعان احۋال ورتالىعىنىڭ جۇمىسىمەن تانىستى. مامانداردىڭ ايتۋىنشا, اتالعان ورتالىق سوت تورەلىگىن جۇزەگە اسىرۋ بارىسىنداعى ازاماتتاردىڭ قۇقىقتارى مەن زاڭدى مۇددەلەرىن قورعاۋدىڭ جاڭا دەڭگەيى بولىپ تابىلادى. ول تاراپتاردىڭ ءبىرى قانداي دا ءبىر كەمشىلىكتى ايتىپ, سوتقا جۇگىنگەنگە دەيىن انىقتاپ, جويۋعا مۇمكىندىك بەرەدى.
جوعارعى سوتتىڭ توراعاسى جاقىپ اسانوۆ ەلىمىزدىڭ سوت جۇيەسىندە اتقارىلعان جۇمىستار تۋرالى حاباردار ەتىپ, سالاداعى بىرقاتار ماسەلەلەرگە توقتالدى. 2018-2019 جىلدارى جوعارعى سوتتا 17 زاڭ جوباسى ازىرلەنىپ, ونىڭ 9-ى پارلامەنتتە قابىلدانعان بولاتىن. قازىرگى كەزدە پارلامەنت قاراۋىندا 4 زاڭ جوباسى, مەملەكەتتىك قۇزىرلى ورگانداردىڭ قاراۋىندا 4 زاڭ جوباسى بار.
«بۇگىندە ەلىمىزدە 2413 سوت تورەشىسى بار. قازاقستاندا كۇن سايىن 13500 سوت اكتىسى شىعادى. سوت تورەشىلەرىنە قاتىستى نەگىزگى پروبلەمالاردىڭ قاتارىنا جالاقىنىڭ ازدىعى مەن جۇمىس اۋقىمىنىڭ كوپتىگى دە بار», - دەدى ج.اسانوۆ.
جوعارعى سوت باسشىسىنىڭ ايتۋىنشا, زاڭ سالاسى ماماندىعىن بىتىرگەن تۇلەكتەردىڭ 16 پايىزى عانا سوت تورەشىسى بولادى.
اكىمشىلىك راسىمدىك-پروتسەستىك كودەكسى بىرىڭعاي زاڭنامالىق اكتىدە جاريا قۇقىقتىق قاتىناستار سالاسىندا اكىمشىلىك راسىمدەردى جۇزەگە اسىرۋدىڭ جانە سوت ءىسىن جۇرگىزۋدىڭ قۇقىقتىق نەگىزدەرىن, قاعيداتتارى مەن ەرەجەلەرىن كوزدەيدى.
كوميتەت توراعاسى ۆلاديمير ۆولكوۆ كەزدەسۋدى قورىتىندىلاي كەلىپ, جوعارعى سوت قىزمەتىن ودان ءارى جەتىلدىرۋدە ساپاعا باسا نازار اۋدارۋ قاجەتتىگىن اتاپ ءوتتى. بۇل باعىتتاعى بىرلەسكەن جۇمىستاردىڭ جالعاسا بەرەتىنى ايتىلدى. ء«بىز سىزدەرمەن ءبىر باعىتتا جۇمىس ىستەيمىز. بۇگىن ءبارىمىز ءۇشىن ماڭىزدى زاڭنامالاردىڭ ءبىرى – اكىمشىلىك راسىمدىك-پروتسەستىك كودەكستىڭ جانە ىلەسپە زاڭ جوباسىنىڭ تالقىلانۋىنا كۋا بولدىق. احۋال ورتالىعىنىڭ دا جۇمىسى كوڭىلگە قونىمدى. سوتتىڭ ادىلەتتىلىگى جۇمىسىنىڭ ساپاسىمەن ولشەنەدى», - دەدى ۆ.ۆولكوۆ.
