ايماقتار • 21 اقپان، 2020

اقتوبەدە «انالار اماناتىن» ارقالاعان كورمە-ساتۋ الاڭى اشىلدى

17 رەتكورسەتىلدى

بۇگىندە نە كوپ، ءار ءتۇرلى ءىس-شارالار مەن جيىندار، فەستيۆالدار مەن كونفەرەنتسيالار كوپ. الايدا مۇنداي باسقوسۋلاردىڭ ءبارى بىردەي ەل-جۇرتقا ناقتى پايداسىن تيگىزە بەرمەيتىنى دە جاسىرىن ەمەس. ايتسە دە بيىلعى اقپان ايىندا اقتوبەدە وتكىزىلگەن «كورپەfest» مەگافەستيۆالى جونىندە بۇلاي دەي المايمىز. «التىن وردا» اۆتورلىق ديزاين ءۇيىنىڭ نەگىزىن قالاۋشى، بەلگىلى قازاقستاندىق قولونەر شەبەرى ىرزا تۇرسىنزادانىڭ باستاماسىمەن وتكەن ءۇش كۇندىك فەستيۆالى كەزىنە جيىرمادان استام ۇلكەن قالىڭ كورپە، 150 جاستىق جانە ەكى جۇزدەن استام شاعىن-كورپە توسەنىشتەر تىگىلگەن ەدى.

فەستيۆال اياقتالعاننان كەيىن اقتوبەلىك قىز-كەلىنشەكتەر مەن ايەل-انالاردىڭ قولىنان شىققان ىسمەرلىك بۇيىمدار «اناعا تاعزىم» ورتالىعىندا اشىلعان كورمە-ساتۋ الاڭىنا قويىلدى. جەرگىلىكتى اتقارۋشى ورگاندار تاراپىنان ارنايى بولىنگەن ورىندا وبلىس ورتالىعىنداعى جانە شالعايداعى اۋدانداردان كەلگەن قولونەرگە يكەمى بار نازىك جاندار ءوز ونىمدەرىن كوپشىلىككە ۇسىنىپ، ساۋدا-ساتتىققا شىعارا الادى. بۇل ءۇشىن تۇراقتى تۇردە جۇمىس جاسايتىن الاڭدا ورىندى جالعا بەرۋ اقىسى الىنبايدى. سونىمەن بىرگە ولار مۇندا قولونەردىڭ كەيبىر قىرى مەن سىرى، سونىڭ ىشىندە كورپە جاستىقتار تىگۋدىڭ بىرقاتار ءادىس-تاسىلدەرى جونىندە وي-پىكىر الماسىپ، تاجىريبەلەرىن بولىسە الادى. تۇپتەي كەلگەندە مۇنداعى باستى ماقسات، كوپشىلىكتىڭ سۇرانىسىنا يە بولا الاتىن جابدىقتار جاساۋ بولىپ وتىر. ءىستىڭ بۇلايشا ۇيىمداستىرىلۋى وڭىردەگى قىز-كەلىنشەكتەر مەن كوپ بالالى انالاردىڭ جۇمىسپەن قامتىلۋىنا ءارى ءوز كاسىپتەرىن اشۋىنا ىقپال جاساماق.

«انالار اماناتى» دەگەن تاماشا اتاۋدى يەلەنگەن جوبانىڭ ەرتەڭى جونىندە اقتوبە قالالىق ماسليحاتىنىڭ حاتشىسى سۇلۋپان شىنتاسوۆا ءوز تۇجىرىمىن گازەت تىلشىسىنە بىلايشا جەتكىزدى.

- جاڭادان اشىلعان ارنايى الاڭ ەكى بىردەي يگىلىكتى ءىستى اتقارا الادى. بىرىنشىدەن تۇتىنۋشىلار قاز-قاتار قويىلعان قولونەر بۇيىمدارىنا كوزدەرىنە تۇسكەندە بەينەبىر كورمەگە كەلگەندەي اسەردە قالادى. ەكىنشىدەن وزدەرى ۇسىنعان دۇنيەنى تاڭداپ ساتىپ الۋلارىنا دا جول اشىق. ارنايى بولىنگەن ورىننىڭ كورمە-ساتۋ الاڭى دەپ اتالۋى دا سوندىقتان، - دەدى ول.

سونداي-اق ونىڭ ايتۋىنشا بۇل جەرگە الداعى ۋاقىتتا ون ساۋساعى مايىسقان شەبەرلەر ادىپتەگەن كوزدىڭ جاۋىن الاتىنداي قىز جاساۋى، شىلدەحانا، قۇدالىق جانە وزگە دە حالىقتىق-جورالعىلارعا قاجەتتى ءار ءتۇرلى بۇيىمدار، كورپە-جاستىقتار مەن بەسىكتەر جاسالىپ قويىلماق. وسىلايشا «انالار اماناتىن» ارقالاعان اقتوبە قالاسىنداعى كورمە-ساتۋ الاڭى  ءوز مۇمكىندىكتەرىن كەڭەيتىپ، شەبەرلىكتەرىن شىنداي بەرمەك.

اقتوبە

سوڭعى جاڭالىقتار

قۇپتارلىق قادام

پارلامەنت • بۇگىن، 07:47

مەشىتتە بەتپەردە تسەحى اشىلدى

ايماقتار • بۇگىن، 07:35

ەلگە پايداسى تيگەن ادام جاقسى

پارلامەنت • بۇگىن، 07:30

اۋدان ءومىرىنىڭ ايناسى

ايماقتار • بۇگىن، 07:27

ارمان الاسارماسىن

رۋحانيات • بۇگىن، 07:22

ديقان ديزەلدى تومەن باعاعا الادى

ەكونوميكا • بۇگىن، 07:11

كوروناۆيرۋسسىز قوستاناي

ايماقتار • كەشە

ۇقساس جاڭالىقتار