اتاپ ايتساق, ءوڭىر اكىمىمەن بىرگە ەرەكشە قامقورلىقتى قاجەت ەتەتىن 138 بالا تاربيەلەنىپ جاتقان «التىناي» ارنايى بالالار ءۇيىنىڭ عيماراتىن كوردى. سوڭعى رەت مۇندا كۇردەلى جوندەۋ جۇمىستارى وسىدان 10 جىل بۇرىن جاسالعان ەكەن. عيماراتتىڭ شاتىرى, قاسبەتى جانە جىلۋ جۇيەسى قازىر اپاتتى جاعدايدا.
اتا-انالارمەن بولعان كەزدەسۋدە پارتيا توراعاسىنىڭ ءبىرىنشى ورىنباسارى بالالاردى قولداۋ مەن قۇقىعىن قورعاۋ Nur Otan-نىڭ نەگىزگى جۇمىستارىنىڭ ءبىرى ەكەنىنە توقتالىپ, وسى ماسەلەنى شەشۋ ءۇشىن بارلىق ءىس-شارالاردىڭ قابىلداناتىنىن اتاپ ءوتتى.
ودان ءارى ب.بايبەك ەكىباستۇزداعى Nur Otan-نىڭ قوعامدىق قابىلداۋىندا بولىپ, ازاماتتاردىڭ مۇڭ-مۇقتاجىن تىڭدادى. قارالعان ماسەلەلەردىڭ ىشىنەن ول قۇدىقتىڭ اۋىز سۋىن پايدالانىپ جۇرگەن سارىقامىس اۋىلىنىڭ 450 تۇرعىنىنىڭ ءوتىنىشىن پارتيالىق باقىلاۋعا الدى. جەرگىلىكتى بيلىكتىڭ اقپاراتى بويىنشا, ورتالىقتاندىرىلعان سۋمەن قامتاماسىز ەتۋدى جۇرگىزۋ جۇمىستارى جىل سوڭىنا دەيىن اياقتالادى.
سونداي-اق پارتيا توراعاسىنىڭ ءبىرىنشى ورىنباسارى الەۋمەتتىك جانە ەڭبەك قۇقىعى سالاسىنداعى زاڭنامانى جەتىلدىرۋ جونىندەگى ماسەلەلەر مەن ۇسىنىستاردى تالقىلاۋ ءۇشىن ەكىباستۇزداعى گرەس – 1 جۇمىسشىلارى جانە وڭىردەگى تاۋ-كەن ءوندىرىسى كاسىپوداقتارىنىڭ وكىلدەرىمەن جۇزدەستى.
سول كۇنى ب.بايبەك پاۆلودار قالاسىنىڭ بەلسەندى تۇرعىندارىمەن بىرنەشە كەزدەسۋ وتكىزدى. زيالى قاۋىم, ۇكىمەتتىك ەمەس ۇيىمداردىڭ وكىلدەرىمەن بىرگە ەكولوگيا, ەڭبەك ميگراتسياسى, سىبايلاس جەمقورلىق, ت.ب. سالالارداعى ءوڭىردىڭ وزەكتى ماسەلەلەرى تالقىلاندى. پارتيا توراعاسىنىڭ ءبىرىنشى ورىنباسارى ءار ماسەلەگە بايلانىستى, ونىڭ ىشىندە زاڭنامالىق دەڭگەيدە دە Nur Otan-نىڭ جۇيەلى تۇردە اينالىساتىنىنا ەرەكشە توقتالدى.
ەلباسىنىڭ تاپسىرماسى بويىنشا, Nur Otan پارتياسىنىڭ بىرنەشە ايدان بەرى ۇكىمەتپەن جانە وڭىرلىك فيليالدارىمەن بىرگە الداعى 5 جىلعا ارنالعان اۋداندار, قالالار مەن وبلىستاردى دامىتۋدىڭ جاڭا باعدارلاماسىن دايىنداۋ جونىندە جۇمىس ىستەپ جاتقانىن اتاپ وتكەن ءلازىم. وندا ءاربىر جەكە اۋدانداعى جەرگىلىكتى ەرەكشەلىكتەر ەسكەرىلىپ, ازاماتتاردىڭ ناقتى قاجەتتىلىگى كورىنىس تاباتىن بولادى.
بۇل جۇمىستىڭ شەڭبەرىندە Nur Otan پارتياسىنىڭ باسشىلىعى بارلىق ەلدى مەكەندەردى, ونىڭ ىشىندە شالعايداعى اۋداندار مەن اۋىلداردى دا قامتۋ ءۇشىن ەلىمىزدىڭ بارلىق وڭىرلەرىن ارالاپ شىعۋدى جوسپارلاپ وتىر.
پاۆلودار وبلىسىنا ساپار بارىسى كەزىندە ب.بايبەك 16 كوپپاتەرلى ءۇيدىڭ 800-گە جۋىق تۇرعىنى ورتالىقتاندىرىلعان جىلۋسىز قالعان نوۆوچەرنوياركا اۋىلىنىڭ ادامدارىمەن كەزدەستى. ءوڭىر باسشىلىعىنىڭ ايتۋىنشا, بيىل اۋىلدا بەس الەۋمەتتىك نىساندى دا, جاقىن جەردەگى مەكتەپ, بالالارباقشاسى مەن دارىگەرلىك ەمحانانى دا جىلۋمەن قامتاماسىز ەتەتىن قازاندىق سالىنادى.
