تاعايىنداۋ • 20 اقپان، 2020

قازاقستاندىق بىرىككەن ارالاس جەكپە-جەك فەدەراتسياسىنا جاڭا باسشى سايلاندى

52 رەتكورسەتىلدى

بۇگىن مادەنيەت جانە سپورت مينيسترلىگىندە «قازاقستاندىق بىرىككەن ارالاس جەكپە-جەك فەدەراتسياسى» رەسپۋبليكالىق قوعامدىق بىرلەستىگىنىڭ كەزەكتەن تىس ەسەپتىك سايلاۋ وتىرىسى ءوتتى.

كەزدەسۋگە مادەنيەت جانە سپورت ءمينيسترى رايىمقۇلوۆا اقتوتى، قازاقستاننىڭ جاۋىنگەرلىك ونەر اسسوتسياتسياسى پرەزيدەنتى ءانۋار سادىقۇلوۆ، «قازاقستاندىق بىرىككەن ارالاس جەكپە-جەك فەدەراتسياسى»  پرەزيدەنتى ەسەنوۆ عالىمجان، «قازمۇنايگاز» ۇك اق باسقارما توراعاسى اليك ايدارباەۆ جانە قۇرىلتاي كەڭەسىنىڭ مۇشەلەرى قاتىستى. 

فەدەراتسيانىڭ باس ديرەكتورى ۆاليحان تەن ۇيىمنىڭ وتكەن جىلعى جۇمىسىن قورىتىندىلادى. كۇن ءتارتىبىنىڭ باستى ماسەلەسى - «قازاقستاندىق بىرىككەن ارالاس جەكپە-جەك فەدەراتسياسى» پرەزيدەنتىن سايلاۋ بولدى.  اتالعان قىزمەتكە «قازمۇنايگاز» ۇك اق باسقارما توراعاسى اليك ايدارباەۆ ۇسىنىلدى. جاڭا پرەزيدەنتتى سايلاماس بۇرىن جينالعاندار ارالاس جەكپە-جەكتىڭ ەلىمىزدەگى الەۋەتى تۋرالى ايتىپ ءوتتى.

مادەنيەت جانە سپورت ءمينيسترى رايىمقۇلوۆا اقتوتى ەلىمىزدە ارالاس جەكپە-جەكتىڭ قارقىندى دامىپ كەلە جاتقانىن اتاپ ءوتتى.

«وليمپيادالىق ەمەس سپورت تۇرلەرى دامىپ جاتقان كەزدە سپورتتىق فەدەراتسيالاردىڭ جۇمىسىن بىرىزدەندىرۋ ماڭىزدى. بۇگىنگى تاڭدا ەلىمىزدە بۇقارالىق سپورت تۇرلەرى جاقسى دامىپ كەلەدى. بۇل باعىتتا ارالاس جەكپە-جەك فەدەراتسيالارىنىڭ باسىن بىرىكتىرىپ ونى باسقارىپ وتىرعان عالىمجان شاحماردان ۇلىنىڭ جۇمىسىن اتاپ ءوتۋ كەرەك،»-دەدى اقتوتى راحمەتوللاقىزى.

ءوز كەزەگىندە، قازاقستاننىڭ جاۋىنگەرلىك ونەر اسسوتسياتسياسى پرەزيدەنتى ءانۋار تولەۋحان ۇلى ەلىمىزدىڭ حالىقارالىق سپورتتىق ءيميدجىن قالىپتاستىرۋداعى ارالاس جەكپە-جەكتىڭ ماڭىزدىلىعىن اتاپ ءوتتى. 

ء«بىر جىلدا قازاقستاندىق بىرىككەن ارالاس جەكپە-جەك فەدەراتسياسى ۇلكەن جۇمىس اتقاردى. وسى ورايدا عالىمجان شاحماردان ۇلى باسقارعان فەدەراتسيا ەلىمىزدىڭ حالىقارالىق ارەناداعى ءيميدجىن ءبىراز كوتەرىپ تاستادى. ەلىمىزدىڭ سپورتشىلارى حالىقارالىق دارەجەدە تانىلا باستادى. قازاقستاننىڭ جاۋىنگەرلىك ونەر اسسوتسياتسياسى اتىنان قازاقستاندىق بىرىككەن ارالاس جەكپە-جەك فەدەراتسياسىنىڭ بۇرىنعى باسشىلىعىنا العىس ءبىلدىرىپ، جاڭاسىنا تەك ساتتىلىك تىلەيمىن.»،-دەدى ءانۋار تولەۋحان ۇلى.

ءوز كەزەگىندە قازاقستاندىق بىرىككەن ارالاس جەكپە-جەك فەدەراتسياسى باس ديرەكتورى ۆاليحان تەن ۇيىمنىڭ وتكەن جىلعى جۇمىسىن قورىتىندىلاپ، جاڭا جىلعا جوسپارلارى تۋرالى ايتتى.  

ايتا كەتەيىك، كۇن تارتىبىندە قازاقستاندىق بىرىككەن ارالاس جەكپە-جەك فەدەراتسياسىنىڭ جاڭا باسشىسىن سايلاۋ ماسەلەسى تۇرعان بولاتىن. اتالعان قىزمەتكە «قازمۇنايگاز» ۇك اق باسقارما توراعاسى اليك ايدارباەۆ سايلاندى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار