بىلتىرعى جىلدىڭ سوڭىندا فەدەراتسيا مۇشەلەرى ايماقتارداعى ۆەلوسپورتقا بەيىمدەلگەن مەكتەپتەردى ارالادى. شىنى كەرەك, كوبىنىڭ جاي-كۇيى جاعدايى كوڭىل كونشىتەرلىك ەمەس. ەندى سول ولقىلىقتىڭ ورنىن تۇزەۋ ءۇشىن ءبىراز جۇمىس ىستەۋ كەرەك. ويتكەنى, ءبىزدىڭ ورتاق ماقساتىمىز – وليمپيا ويىندارى مەن الەمدىك جانە قۇرلىقتىق دودالاردا جۇلدە الۋ. ال بالالار مەن جاسوسپىرىمدەر سپورتىن دامىتپاي وراسان زور ناتيجەگە قول جەتكىزۋ مۇمكىن ەمەس. سول سەبەپتى دە قازىرگى كەزدە بۇكىل رەسپۋبليكا بويىنشا ۆەلومەكتەپتەردى مودەرنيزاتسيالاۋ جۇمىستارى قىزۋ جۇرگىزىلۋدە, – دەيدى نۇرلان سماعۇلوۆ.
سونىمەن قاتار فەدەراتسيا پرەزيدەنتى ايتۋلى ورتالىقتا وسى سپورتپەن شۇعىلدانىپ جۇرگەن جاس ورەندەرگە 10 سۋ جاڭا ۆەلوسيپەد سىيلادى. ۇستىمىزدەگى جىلدىڭ سوڭىنا دەيىن رەسپۋبليكا بويىنشا 130 بالالار جانە 50 كاسىبي ۆەلوسيپەدتى سىيعا تارتۋ كوزدەلىپ وتىر.
