جارىستىڭ اشىلۋ راسىمىندە قالا اكىمى نۇرلىبەك نالىباەۆ جاستارعا ۇلتتىڭ ۇلى پەرزەنتىنە اينالعان داڭقتى پالۋاننىڭ جولىن بەرسىن دەگەن تىلەگىن ءبىلدىردى.
سونىمەن قاتار, تۋرنيرگە ارنايى كەلگەن قازاق كۇرەسىنەن قر ەڭبەك سىڭىرگەن جاتتىقتىرۋشىسى مارات جاقىپ پەن قازاقستان رەسپۋبليكاسىنىڭ سپورت قايراتكەرى, سپورت ارداگەرى توقتاش الدوڭعاروۆ ءتۋرنيردى ءداستۇرلى شاراعا اينالدىرعان قالا اكىمدىگىنە العىس ايتتى.
جارىس بارىسىندا 9 سالماق دارەجەسى بويىنشا جۇلدەلەر ساراپقا سالىنىپ, جەڭىمپازدار مەن جۇلدەگەرلەر وسى جارىسقا ارنايى جاسالعان مەدالدارمەن جانە قارجىلاي سىياقىلارمەن ماراپاتتالىپ, سپورت شەبەرلىگىنە ۇمىتكەر اتاعىن يەلەنەدى.
