سالتاناتتى جيىننىڭ العى ءسوزىن «عىلىم ورداسى» رمك باس ديرەكتورىنىڭ عىلىم جانە حالىقارالىق بايلانىس جونىندەگى ورىنباسارى ن.سەيدىن, اباي مۋزەيىنىڭ عىلىمي حاتشىسى ر.ەلەكەنوۆا باستاپ, اباي مۋزەيىنىڭ قىزمەتكەرى ن.بورانباەۆ كورمەمەن تانىستىردى. كورمەگە مۋزەي قورىنداعى قۇندى قولجازبالار مەن ارحيۆتىك دەرەكتەر, ابايدىڭ «تۇمار» دومبىراسى جانە 1885 جىلى تاريحي-ولكەتانۋ مۋزەيىنە تاپسىرعان جادىگەرلەرىمەن قاتار مۋزەي باسپاسىنىڭ باسىلىمدارى قويىلدى.
كورمەدە سونىمەن قاتار ابايدىڭ ءومىر سۇرگەن كەزەڭ مەن سول زامانداعى تاريحي تۇلعالار تۋرالى دەرەكتەر كورسەتىلگەن تاقتالار ورناتىلدى. شارا بارىسىندا «عىلىم ورداسى» رمك باسشىلىعى اباي مۋزەيىنىڭ ۇجىمىنا العىس ءبىلدىرىپ, اتالعان كورمەنىڭ ۇيىمداستىرۋشىلارى مەن مەكەمە باسشىلارىنا العىس حاتتار تابىس ەتتى.
«جيدەلى-ءبورىباي» مەملەكەتتىك تاريحي-مادەني جانە ادەبي-مەموريالدىق قورىق-مۋزەيىنىڭ عىلىمي حاتشىسى راۋشان ەلەكەنوۆانىڭ ايتۋىنشا, كورمە جادىگەرلەرىنىڭ ىشىندە سونىمەن قاتار 80 جىلدىق تاريحى بار قارا شاڭىراقتىڭ تاريحى مەن ابايتانۋ عىلىمىنىڭ دامۋى حاقىنداعى مول ماعلۇماتتار بار.
الماتى
