تۇساۋكەسەر كەزدەسۋدە الەمنىڭ 55 راكەتكاسى اتانىپ وتىرعان جەرلەسىمىز اتر رەيتينگىندە 73 ورىندا تۇرعان ماجارستاننىڭ وكىلى مارتون ءفۋچوۆيچتى 6:4, 7:5 ەسەبىمەن جەڭگەن ەدى.
كەلەسى كەزەڭدە بۋبليكتىڭ جولى كەزىندە ۋيمبلدون جانە اقش-تىڭ اشىق بىرىنشىلىگىندە ءتورتىنشى كەزەڭگە دەيىن جەتىپ, بۇل كۇندەرى ۇزدىكتەر تىزىمىندە 20 ساتىعا جايعاسقان فرانتسيا تەننيسشىسى بەنۋا پەرمەن كۇش سىناستى. 1 ساعات 37 مينۋتقا سوزىلعان بۇل باسەكە 3:6, 6:4, 6:4 ەسەبىمەن وتانداسىمىزدىڭ پايداسىنان شەشىلدى.
شيرەك فينالدا الەكساندر بۋبليك حورۆاتيالىق مارين چيليچ پەن كانادالىق دەنيس شاپوۆالوۆ اراسىنداعى ماتچتىڭ جەڭىمپازىمەن شەبەرلىك بايقاسادى.
