قازاقستان • 20 اقپان، 2020

ەلىمىزدە ەت قىمباتتادى

53 رەت كورسەتىلدى

ەلىمىزدە سيىر جانە قوي ەتى ءبىر جىلدا 16-17 پايىزعا قىمباتتاعان. بۇل تۋرالى energyprom.kz پورتالىنىڭ ساراپشىلارى ايتتى. 

مامانداردىڭ سوزىنە سەنسەك، قاڭتاردا جىلدىق ينفلياتسيانىڭ دەڭگەيى 5،6 پايىز بولىپ، ازىق-ت ۇلىك تاۋارلارى 9،2 پايىزعا قىمباتتاعان. ال ەت ونىمدەرىنىڭ باعاسى 13 پايىزعا قىمباتتاپ، ەت پەن قۇس ەتىنىڭ باعاسى 14،7 پايىزعا وسكەن. 

ودان بولەك، سيىر ەتى 16،5 پايىزعا، قوي ەتى 16،2 پايىزعا، جىلقى ەتى 14،5 پايىزعا قىمباتتاعان. 

جالپى ەت ءوندىرىسى وسكەن: قاڭتاردا قازاقستان 21،1 ميلليارد تەڭگەگە ەت جانە ەت ونىمدەرىن ءوندىرىپ، قايتا وڭدەۋدەن وتكىزىپ، كونسەرۆاتسيالانعان. ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتىنشە، ينفلياتسيانىڭ ءوسۋى 0،7 پايىز بولعان. جالپى، 2019 جىلدىڭ قاڭتار-جەلتوقسانىندا ەلىمىزدە 269 ميلليارد تەڭگەنىڭ ەت جانە ەت ونىمدەرى ءوندىرىلدى، ناقتى ءوسىم 8،1 پايىز بولعان.

بىلتىر 156 مىڭ باس ءىرى قارا مال شىعارىلعان. ونىڭ 121،6 مىڭى (78 پايىز) وزبەكستانعا جەتكىزىلگەن. ودان بولەك، ەلدەن 264 مىڭعا جۋىق قوي ەكسپورتتالدى، ولاردىڭ جارتىسىنان كوبىسى اسىل تۇقىمدى مال. ۇساق مالدىڭ نەگىزگى ساتىپ الۋشىسى - وزبەكستان: 200 مىڭنان اسا قوي (76 پايىز). رەسەيگە 21،5 مىڭ باس ەكسپورتتالعان (8،1 پايىز)، ازەربايجان - 18 مىڭ (6،7 پايىز)، يران - شامامەن 12 مىڭ (4،5 پايىز).

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار