باتىس گەرمانيا پوليتسەيلەرى حاناۋ قالاسىندا 8 ادامدى اتىپ كەتكەن قىلمىسكەرلەردى ىزدەستىرۋدى باستادى.
گەرمانيانىڭ حاناۋ قالاسىندا سارسەنبى كۇنى كەشكە ەكى جەردە بولعان اتىس سالدارىنان 8 ادام مەرت بولىپ, تاعى 5 ادام جاراقات الدى. بۇل تۋرالى حاناۋداعى جەرگىلىكتى پوليتسيا وكىلدەرى حابارلادى.
وقيعا 19 اقپان كۇنى كەشكى ساعات 10:00 شاماسىندا قالانىڭ ءارتۇرلى بولىگىندە ورنالاسقان ەكى كاليان بارىندا بولعان. قىلمىسكەرلەر قالانىڭ ورتاسىنداعى ءبىرىنشى باردا اتىس قارۋىنان ءۇش ادامدى ءولتىردى. سودان كەيىن كەسسەلشتادت اۋدانىنداعى ەكىنشى كاليان بارىنا بارىپ, بەس ادامنىڭ ءومىرىن قيدى.
بيلىك وكىلدەرى اۋداندى تولىعىمەن قورشاۋعا الدى, پوليتسيا ولاردى ىزدەستىرىپ جاتىر. وقيعانىڭ سەبەبى تۇسىنىكسىز, پوليتسيا ازاماتتاردى وقيعاعا قاتىستى قانداي ءبىر مالىمەت بولسا – قۇقىق قورعاۋ ورگاندارىمەن بايلانىسۋعا شاقىردى.
