جالداناتىن ازاماتتارعا قويىلاتىن تالاپتار: 18 جاستان اسقان قازاقستان رەسپۋبليكاسىنىڭ ازاماتى, باستاماشىل, جاۋاپتى, تەز ءتىل تابىساتىن بولۋى قاجەت. جۇمىس ءوتىلى مەن كاسىبي بىلىمىنە تالاپتار قويىلمايدى, پلانشەتپەن جۇمىس ىستەي ءبىلۋى كەرەك.
- ساناق پەرسونالىمەن وتەۋلى قىزمەت كورسەتۋ شارتتارى جاسالادى. تولىق كولەمدە 30 كۇنگە قىزمەت كورسەتىلگەن كەزدە دايىندىق كەزەڭىنىڭ ينتەرۆيۋەرىنە (تىركەۋشىگە) كورسەتىلگەن قىزمەتتەرى ءۇشىن 75743 تەڭگە تولەۋ جوسپارلانعان. ال تولىق كولەمدە 30 كۇنگە قىزمەت كورسەتىلگەن كەزدە نەگىزگى كەزەڭ ينتەرۆيۋەرىنە (ساناقتان وتكىزۋشىگە) كورسەتىلگەن قىزمەتتەرى ءۇشىن 94678 تەڭگە, تولىق كولەمدە 45 كۇنگە قىزمەت كورسەتىلگەن كەزدە دايىندىق جانە نەگىزگى كەزەڭدەردىڭ نۇسقاۋشى-باقىلاۋشىسىنا كورسەتىلگەن قىزمەتتەرى ءۇشىن 113614 تەڭگە تولەۋ جوسپارلانعان, - دەدى ماڭعىستاۋ وبلىسى «قوعامدىق كوممۋنيكاتسيا قىزمەتى» الاڭىندا وتكەن بريفينگ بارىسىندا قازاقستان رەسپۋبليكاسى ۇلتتىق ەكونوميكا مينيسترلىگى ستاتيستيكا كوميتەتىنىڭ توراعاسى نۇربولات ايداپكەلوۆ.
