بۇل ماسەلە جايلى مەملەكەت باسشىسى رەسپۋبليكالىق «ەگەمەن قازاقستان» گازەتىنەن وقىپ, ءتيىستى ورىندارعا تاپسىرما بەرگەن بولاتىن. وبلىس اكىمى كەنت تۇرعىنىنىڭ ساۋالىنا وراي وسى تاپسىرمانىڭ ورىندالۋ بارىسى جايلى ايتىپ ءوتتى.
– وسى مەكتەپ جايىندا مەملەكەت باسشىسىنىڭ تاپسىرما بەرگەنىن بىلەسىزدەر. ول ورىندالادى. بيىلعى جىلدىڭ 24 قاڭتارىندا ۇكىمەتتىڭ كەڭەيتىلگەن وتىرىسىنانكەيىن وسى ماسەلە بويىنشا جۇمىستار پىسىقتالدى. قازىر جوبا-سمەتالىق قۇجات بويىنشا مەكتەپتىڭ قۇنى 800 ملن تەڭگەنى قۇراپ وتىر. مەكتەپ 300 ورىنعا ارنالعان. جاقىن ارادا رەسپۋبليكالىق بيۋدجەتتەن قارجى الىپ, مەكتەپ قۇرىلىسىن باستايمىز, – دەدى ايماق باسشىسى.
