2018 جىلدىڭ جەلتوقسانىندا پايدالانۋعا بەرىلگەن تامپوناجدى تسەمەنت ءوندىرۋ زاۋىتى ءونىمىن وسىعان دەيىن كورشىلەس وڭىرلەر دە الىپ كەلسە, بىلتىرعى شىلدە ايىنان باستاپ سىر تسەمەنتى شەتەلگە ەكسپورتتالۋدا. ال قارا تاقتا تاستاردى اۆتوكلاۆتى قايتا وڭدەۋ بويىنشا جوباسىن ىسكە اسىرىپ جاتقان «بالاساۋىسقاندىق» ءۆاناديلى كەن ورنىنان جىل سايىن رەسەي مەن ۇلىبريتانياعا 200 توننادان استام امموني مەتاۆاناداتى ەكسپورتتالادى,- دەدى ايماق باسشىسى.
2019 جىلى «ارال تۇز» اكتسيونەرلىك قوعامى تۇز ءوندىرۋ كولەمىن 25 پايىزعا وسىرسە, بيىل تاعى 10% ارتتىرادى. 2022 جىلعا قاراي ءونىم كولەمىن 700 مىڭ تونناعا دەيىن جەتكىزۋدى جوسپارلاپ وتىر. سونداي-اق قۋاتتىلىعى جوعارى ءۇشىنشى يسپاندىق تسەحتىڭ قۇرىلىسىنا كىرىسۋدە.
جاڭاقورعان اۋدانىنداعى «شالقيا» كەن ورنىندا تاۋ-كەن بايىتۋ كومبيناتىن سالۋ جانە باسقا دا بىرقاتار پەرسپەكتيۆالى جوبالار بويىنشا جۇمىستار جالعاسۋدا.
سونداي-اق ارال اۋدانىندا كالتسيلەندىرىلگەن سودا وندىرەتىن العاشقى زاۋىتتىڭ قۇرىلىسىنىڭ جوباسىن ءتيىستى مينيسترلىكتەرمەن كەلىسۋدىڭ سوڭعى كەزەڭى جۇرگىزىلۋدە.
