«سىرداريا وزەنىنىڭ ارناسىن رەتتەۋ جانە ارال تەڭىزىنىڭ سولتۇستىك بولىگىن ساقتاۋ» جوباسىنىڭ ەكىنشى كەزەڭى اياسىندا قىزىلوردا سۋ تورابىن قايتا جاڭعىرتۋ, قارماقشى, قازالى اۋداندارىنداعى قورعانىس بوگەتتەرىن نىعايتۋ, جالاعاش اۋدانىندا تۇرىمبەت جانە قورعانشا ۋچاسكەلەرىندە وزەن ارناسىن تۇزەتۋ جۇمىستارى باستالادى, دەدى وبلىس اكىمى.
سىرداريا وزەنىنىڭ قىزىلوردا قالاسى تۇسىنداعى بولىگىندە ارنا تازالاۋعا دا قارجى بولىنەتىن بولدى. بۇل جوبا ىسكە اسقاندا وزەن ارناسىنىڭ 9 شاقىرىمعا جۋىق تۇسى تازالانادى دەپ جوسپارلانۋدا.
وبلىس باسشىلىعى ۇكىمەتكە قاراوزەك (سۋ جيناۋ كولەمى – 1,5 ملرد تەكشەمەتر) جانە كۇمىسكەتكەن (سۋ جيناۋ كولەمى – 600 ملن تەكشەمەتر) سۋ قويمالارىن سالۋدى ۇسىنىپ وتىر. بۇل جىل سايىن ۇلكەن ارال تەڭىزىنە كەتىپ جاتقان 2 ملرد تەكشە مەتردەن استام سۋدى وبلىس اۋماعىندا ساقتاپ, ەگىندى سۋلاندىرۋعا مۇمكىندىك بەرەدى.
