جالپى, 2019 جىلى ەكونوميكانىڭ بارلىق سالالارى بويىنشا ەكونوميكالىق ءوسۋدىڭ قارقىنى ساقتالدى. وبلىس بيۋدجەتى جىل باسىندا 239,2 ملرد تەڭگە بولىپ بەكىتىلىپ, جىل سوڭىندا 304,6 ملرد تەڭگەگە دەيىن ۇلعايدى. بيۋدجەت قاراجاتىنىڭ 60% الەۋمەتتىك مىندەتتەردى شەشۋگە جۇمسالدى. جالپى جان باسىنا شاققانداعى الەۋمەتتىك شىعىستار بويىنشا ءوڭىر وبلىستار اراسىندا كوش باستاپ تۇر.
نەگىزگى كاپيتالعا ينۆەستيتسيالار 17,4%, قۇرىلىس جۇمىستارىنىڭ كولەمى 54,3% , تۇرعىن ءۇيدى پايدالانۋعا بەرۋ 8,8% ءوستى. سونداي-اق اۋىل شارۋاشىلىعىنىڭ جالپى ءونىمىنىڭ كولەمى 4,3%, وڭدەۋ ونەركاسىبىنىڭ كولەمى 1,3%, بولشەك تاۋار اينالىمىنىڭ كولەمى 1,5% ۇلعايدى. جىل ىشىندە وڭىردە 17291 جۇمىس ورنى قۇرىلدى, ونىڭ 12678 تۇراقتى. وتكەن جىلدىڭ قورىتىندىسىمەن قىزىلوردا ەكونوميكالىق دامۋدىڭ 7 كورسەتكىشى بويىنشا 8 ۇزدىك وبلىستىڭ قاتارىنا كىردى. يندۋستريالىق-يننوۆاتسيالىق دامۋ باعىتىندا دا ناتيجە جامان ەمەس. 2018 جىلدىڭ جەلتوقسانىندا قولدانىسقا بەرىلگەن تامپوناجدى تسەمەنت زاۋىتى قازىر ءونىمنىڭ التى ءتۇرىن شىعاردى. تسەمەنت كورشى وڭىرلەرگە – تۇركىستان, اقتوبە, الماتى, جامبىل وبلىستارىنا جانە شىمكەنت قالاسىنا ساتىلادى. سونىمەن قاتار 40 مىڭ توننا وزبەكستانعا ەكسپورتقا جىبەرىلدى, – دەدى وبلىس اكىمى.
حالىقتى تۇراقتى جۇمىسپەن قامتاماسىز ەتۋ, جۇمىسسىزدىق دەڭگەيىن تومەندەتۋ ماقساتىندا 2018-2020 جىلدار ارالىعى وڭىردە جاپپاي كاسىپكەرلىكتى دامىتۋ جىلى بولىپ جاريالانعان. جۇيەلى شارالار ناتيجەسىندە جۇمىس ىستەپ تۇرعان كاسىپكەرلىك سۋبەكتىلەرىنىڭ سانى سوڭعى جىلى 9,3% ءوسىپ, 46297 بىرلىكتى قۇرادى. كاسىپكەرلىك سۋبەكتىلەرىنەن تۇسكەن سالىق تۇسىمدەرىنىڭ كولەمى 11 % ءوستى. 2019 جىلدىڭ باسىنان باستاپ ەكىنشى دەڭگەيلى بانكتەر شاعىن جانە ورتا بيزنەس سۋبەكتىلەرىنە جالپى سوماسى 21,9 ملرد تەڭگە بولاتىن كرەديتتەر بەردى, ونىڭ ىشىندە مەملەكەتتىك باعدارلامالار شەڭبەرىندە جالپى سوماسى 5,6 ملرد تەڭگەگە 166 جوبا قارجىلاندىرىلدى.
ءوڭىر باسشىسى وبلىستىڭ الەۋمەتتىك-ەكونوميكالىق دامۋىنىڭ 2019-2022 جىلدارعا ارنالعان كەشەندى جوسپارى اياسىنداعى جۇمىستاردى دا ايتىپ ءوتتى. قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلگەن جوسپار شەڭبەرىندە 2020 جىلى شۋ-سارىسۋ شوگىندى باسسەينىندە مۇناي-گاز پەرسپەكتيۆالى قۇرىلىمدارىن انىقتاۋ ماقساتىندا جەر قويناۋىن زەرتتەۋ جۇمىستارى باستالادى. ەكونوميكانىڭ ءتۇرلى سالالارىنا جوعارى تەحنولوگيالاردى جەدەل ەنگىزۋ ءۇشىن تسيفرلاندىرۋ بويىنشا 2018 جىلدان باستاپ 47 جوبا ىسكە اسىرىلدى, قازىرگى ۋاقىتتا 11 جوبا بويىنشا جۇمىستار جۇرگىزىلۋدە. قىزىلوردا وبلىسى ءبىرىنشى بولىپ «بىرىڭعاي كەزەكشىلىك ديسپەتچەر قىزمەتى» جوباسىن ىسكە قوستى. ەندى بارلىق جەدەل قىزمەتتەر (101, 102, 103, 112) بىرىڭعاي «112» نومىرىمەن جۇمىس ىستەيتىن بولادى.
وبلىس اكىمىنىڭ ەسەپ بەرۋ بايانداماسىنان كەيىن تۇرعىندار ساۋال قويدى. ولاردىڭ اراسىندا مۇگەدەكتەرگە ارنالعان ينۆاتاكسي قىزمەتىن ۇلعايتۋ, كەيبىر ەلدىمەكەندەرگە اۋىزسۋ جەتكىزۋ, جول مەن كوپىر سالۋ سەكىلدى ماسەلەلەر ايتىلدى. اۋدانداردان تۇسكەن ۇسىنىس-تىلەكتەر CALL-ورتالىق ارقىلى قويىلدى. وبلىس باسشىسى بارلىق ساۋالدارعا جاۋاپ بەرىپ, وسى باعىتتا اتقارىلاتىن شارالار جايلى ايتىپ ءوتتى.
