ءۇش كۇندىك وقۋ-جاتتىعۋ جيىنى بارىسىندا اتىراۋ, اقتاۋ جانە اقتوبە گارنيزوندارىنىڭ تاربيەشى وفيتسەرلەرىمەن بىرگە تاربيە جانە يدەولوگيالىق جۇمىستى ۇيىمداستىرۋداعى ادىستەمەلىك شەبەرلىكتى ارتتىرۋ ماقساتىندا ءتۇرلى فورماتتاعى وتكىزىلدى. جەكە قۇرامنىڭ مورالدىق-پسيحولوگيالىق جاعدايىن جاقسارتۋعا جاس بۋىننىڭ قازىرگى زامانعى تەندەنتسيالارىن ەسكەرە وتىرىپ, ءارتۇرلى يننوۆاتسيالىق يدەيالاردى جۇزەگە اسىرۋعا ەرەكشە كوڭىل ءبولىندى.
-جىل سايىن ەلىمىزدىڭ شەت-شەتىنەن مىڭداعان جاس وتان قورعاۋشىلارى شاقىرىلادى, اسكەري وقۋ ورىندارىن جاس وفيتسەرلەر ءتامامداپ اسكەري بولىمدەرگە كەلەدى, سونىمەن قوسا ەر ازاماتتار مەن ايەلدەر كەلىسىمشارت بويىنشا قىزمەت ەتۋگە بەل بۋادى. اسكەري بولىمدەردە ءبىز ولاردىڭ بارلىعىنا قىزمەت ەتۋگە قولايلى جاعداي جاساۋعا ۇدايى تىرىسىپ وتىرامىز. الايدا, جاس بۋىننىڭ ءتۇرلى جاعدايلار مەن قۇبىلىستارعا, ومىرلىك قۇندىلىقتارىنا دەگەن كوزقاراستارى بۇرىنعى جىلدارداعىداي ەمەس. بۇگىنگى تاڭدا ولارعا ەرەكشە نازار ءبولىپ, موتيۆاتسيا بەرىپ, كۇندەلىكتى وقۋ پروتسەسىن بارىنشا وڭتايلى ەتۋ قاجەت. سوندىقتان وسىنداي جيىندار بارىسىندا ءبىز بارلىق دارەجەدەگى كومانديرلەرگە كەدەرگى بولىپ, قيىندىق تۋعىزاتىن جاعدايلاردى انىقتاۋعا تىرىسامىز. سول سەبەپتى جيىننىڭ باستى ماقساتى, ول قىزمەتتەگى كومانديرلەردىڭ ءوز جەكە قۇرامىنىڭ جاۋىنگەرلىك رۋحىنىڭ جوعارى ەكەندىگىنە كۇمان تۋعىزباۋ, كۇندەلىكتى قىزمەتتى باسقارۋدا ورتاق تۇسىنىككە قول جەتكىزە الۋ, دەيدى «باتىس» وڭىرلىك قولباسشىلىعى كومانديرىنىڭ تاربيە جانە يدەولوگيالىق جۇمىستارى جونىندەگى ورىنباسارى پولكوۆنيك سەرىك سەيتباەۆ.
وقۋ-جاتتىعۋ جيىنى بارىسىندا تاربيەشى وفيتسەرلەر جەكە قۇراممەن پسيحولوگيالىق تەستىلەۋدى ءاس جۇزىندە دۇرىس وتكىزۋ, انونيمدىك ساۋالنامانى دۇرىس قۇراستىرۋ, نورماتيۆتىك قۇجاتتدى قولدانا وتىرا, بولىمشەدەگى قۇقىقتىق جۇمىستى ۇيىمداستىرۋ بويىنشا دارىستەر الدى.
بۇگىنگى كۇنى, تاربيەشى وفيتسەرلەر ءبولىمنىڭ اقپاراتتىق-اعارتۋ جۇمىستارىن, اسكەري ءتارتىپتى جانە ءتارتىپتى ساقتاۋ, مادەني جانە بوس ۋاقىتتى ۇيىمداستىرۋ, سونداي-اق تەرىس يدەولوگيالىق اسەرگە قارسى تۇرۋ تۇرۋ بويىنشا ماڭىزدى جۇمىستاردى اتقارىپ كەلۋدە.
