اۋىل, قالا اكىمدەرىنىڭ العاشقى سايلاۋى سەرپىنمەن ءوتتى. وعان بارلىعىمىز دا نەمكەتتى قاراي العان جوقپىز, ەلەڭدەپ وتىردىق. سەبەبى, ەلدى مەكەندەردە اۋىل اكىمدەرىنە كوپ ماسەلە بايلانىستى. ءار تۇرعىن ءوزىنىڭ باسىن اۋىرتقان جاعدايىن پرەزيدەنتكە, ۇكىمەتكە, وبلىس اكىمىنە تىكەلەي بارىپ ايتپايدى عوي. اۋىل اكىمى مەملەكەت ساياساتىن ءار ادامعا جەتكىزۋشى, دانەكەر. سوندىقتان اۋىلداستار الدىمەن اۋىل اكىمىنە جۇگىنەدى.
اۋىل, قالا اكىمدەرىنىڭ العاشقى سايلاۋى سەرپىنمەن ءوتتى. وعان بارلىعىمىز دا نەمكەتتى قاراي العان جوقپىز, ەلەڭدەپ وتىردىق. سەبەبى, ەلدى مەكەندەردە اۋىل اكىمدەرىنە كوپ ماسەلە بايلانىستى. ءار تۇرعىن ءوزىنىڭ باسىن اۋىرتقان جاعدايىن پرەزيدەنتكە, ۇكىمەتكە, وبلىس اكىمىنە تىكەلەي بارىپ ايتپايدى عوي. اۋىل اكىمى مەملەكەت ساياساتىن ءار ادامعا جەتكىزۋشى, دانەكەر. سوندىقتان اۋىلداستار الدىمەن اۋىل اكىمىنە جۇگىنەدى.
سايلاۋدان بۇرىن دا وسى لاۋازىمعا لايىقتى جاندار تاعايىندالىپ ءجۇردى. ال مىنا دەموكراتيالىق قادام قوعامدى سەرپىلتىپ تاستادى ءارى اتتىڭ بەلىن تارتقانداي, اۋىل اكىمدەرىنىڭ جاۋاپكەرشىلىگىن تاعى ءبىر نىقتاپ قويدى. اۋىل, قالا, پوسەلكە اكىمدەرىنىڭ سايلاۋى ەلگە كەلىپ جاتقان جاقسى وزگەرىس ەكەنىندە داۋ جوق. تۇرعىندار مۇنى ءبىلىپ وتىر. ءار ۇمىتكەر ءوز باعدارلاماسىن جاسادى, حالىق سايلاعان دەپۋتاتتار ولاردىڭ بارلىعىمەن تانىستى. ءار باعدارلامادا اۋىل-سەلونى كوركەيتۋدىڭ تاماشا ۇلگىلەرى بولعانىنا مەنىڭ سەنىمىم كامىل. ءبىزدىڭ قوستاناي اۋدانىندا 40 كانديداتتان اۋداندىق ءماسليحات دەپۋتاتتارى 20 اكىمدى تاڭداپ الدى. بارلىعى دا قولىنان ءىس كەلەتىن ازاماتتار.
مەنىڭ ءومىرىم اۋىلدا ءوتىپ كەلەدى. بالالارعا ساپالى ءبىلىم بەرۋدىڭ قىزىعى مەن شىجىعىن ارقالاپ ءجۇرمىز. ەلدىڭ ىشىندە بارلىعى دا ءبىر-بىرىنە توننىڭ ىشكى باۋىنداي بايلانىستى. جۇرتتىڭ تۇرمىسى جاقسارماسا, بالانىڭ ءبىلىمى مەن تاربيەسى دە ءبىز ويلاعانداي دەڭگەيدە بولمايدى. ال بالا – ەلىمىزدىڭ ەرتەڭى. بۇگىندە اۋىلداعى جۇمىسسىزدىق, اۋىزسۋ, مالدىڭ جايىلىمى, وتىن-سۋ, جول سياقتى تولىپ جاتقان ءتۇيىندى ماسەلەلەر بار. وسىلاردىڭ بارلىعىنا اۋىل اكىمىنىڭ باسى اۋىرادى, اتقارىلعان ءىستىڭ باسى-قاسىندا جۇرەتىن دە سول. بيىلدان باستاپ اۋىل اكىمدەرىنىڭ ءوز بيۋدجەتى بولادى. ەندى اكىمدەر جەرگىلىكتى جەردەگى ەگىن ەگەتىن, مال ۇستايتىن كاسىپكەرلەرگە الاقان جايا بەرمەي, كوپ ماسەلەنى ءوزى قارجىلاندىراتىن بولادى.
سايلانعان ازاماتتار بيۋدجەت ماسەلەسىنە مىقتى بولسا ەكەن دەيمىن. بۇل سالىقتىڭ بىرنەشە تۇرىنەن عانا تۇسەتىندىكتەن, اسا كوپ قارجى دا بولماۋى مۇمكىن. بىراق, ول تۇسكەنىنە ەمەس, ونى حالىقتىڭ قاجەتىنە ادالدىقپەن, تيىمدىلىكپەن جۇمساۋىنا بايلانىستى. «اۋىلىنا قاراپ ازاماتىن تانى» دەگەن قاناتتى ءسوز بار عوي. ەندى اكىمى قانداي بولسا, اۋىلى دا سونداي بولادى. قازىردىڭ وزىندە وسىنداي كورىنىستەر جەتەرلىك. كەيبىر اۋىلداردىڭ قوقىسى ءۇيدىڭ اراسىندا, جولدىڭ ۇستىندە جاتادى. ىسكەر اكىم مۇندايعا جول بەرمەيدى. مالدىڭ كوڭى مەن پەشتىڭ ك ۇلىن اۋىلدىڭ سىرتىنا شىعارىپ, زالالسىزداندىرۋعا نيەت ەتكەن ازامات قارجى تابادى. جاقسى اكىمدى اۋىلداستارى سىيلايدى, سىيلاعان جەردە ونىڭ ءسوزىن دە ەشكىم جەرگە تاستاماي تىڭدايدى. بۇل ونىڭ اۋىلداستارىمەن قالاي جۇمىس ىستەي الاتىنىنا بايلانىستى. اكىمدەر سايلاۋىنان سوڭ ەلدىڭ ىشىندە جاڭا كويلەك كيگەندەي, رۋحاني سەرپىلىس بار. ءبارى دە اكىمدەردەن يگىلىكتى ءىس كۇتىپ وتىر.
جانعۇتتى سارتوۆ,
ن.ناۋشاباەۆ اتىنداعى ورتا مەكتەپتىڭ ديرەكتورى,
زاتوبول كەنتىنىڭ تۇرعىنى.
قوستاناي وبلىسى.
