ايماقتار • 18 اقپان، 2020

«جاس كاسىپكەر» – جەمىستى جوبا

95 رەتكورسەتىلدى

قىزىلوردادا بىلتىر «جاس كاسىپكەر» جوباسى بويىنشا 1100 جاس وقىپ، ولاردىڭ 943-ءى وقۋدى اياقتاعاندىعى، 157-ءسى وقۋعا قاتىسقاندىعى جونىندە سەرتيفيكاتقا قول جەتكىزدى. بۇل تۋرالى پالاتانىڭ ءباسپاسوز قىزمەتى حابارلايدى.

كوميسسيا الدىندا جوباسىن ءساتتى قورعاپ شىققاندارعا وقۋدى اياقتاعاندىعى تۋرالى سەرتيفيكات بەرىلەدى. ال جوباعا قاتىسقانىمەن بيزنەس-جوسپارىن قورعاي الماعاندار وقۋعا قاتىسقاندىعى جونىندە سەرتيفيكات الادى. وتكەن جىلى جوباسىن ءساتتى قورعاكان 578 جاستىڭ جوباسى 301،9 ملن تەڭگەگە قارجىلاندىرىلدى. ولاردىڭ بەسەۋى «اۋىل شارۋاشىلىعىن قارجىلاي قولداۋ قورى» مەن «قىزىلوردا» وڭىرلىك ينۆەستيتسيالىق ورتالىعى ارقىلى جەڭىلدەتىلگەن نەسيەگە يە بولسا، قالعاندارىنا «ەڭبەك» باعدارلاماسى اياسىندا گرانت بەرىلدى، - دەيدى كاسىپكەرلەر پالاتاسىنىڭ ساراپشىسى سالتانات شونيكوۆا.

«جاس كاسىپكەر» جوباسى اياسىندا ءبىلىمىن جەتىلدىرىپ، كاسىبىن باستاعاندار قاتارىندا قىزىلوردا قالاسىنىڭ تۇرعىنى ءومىرتاي ابەن دە بار. كاسىپ باستاماق بولعان ول العاشىندا ءوز كۇشىمەن كولىك جوندەۋ ورتالىعىن سالادى. الايدا قاجەتتى قۇرال-جابدىقتار الۋعا قارجىسى بولماي قالالىق جۇمىسپەن قامتۋ ورتالىعى ماماندارىنىڭ كەڭەسىمەن «جاس كاسىپكەر» جوباسىنا قاتىسۋعا ءوتىنىش ءبىلدىرىپتى.

ءومىرتاي كاسىپكەرلەر پالاتاسى ۇيىمداستىرعان «جاس كاسىپكەر» جوباسىنا قاتىسىپ، بيزنەس-ترەنەرلەردەن كاسىپتى جۇرگىزۋدىڭ قىر-سىرىنا قانىعادى. جوباسىن قورعاعاننان كەيىن الدىمەن 505 مىڭ تەڭگە گرانتقا قول جەتكىزەدى. ودان كەيىن «كاسىپكەر» باعدارلاماسى ارقىلى 6 پايىزبەن 5 ملن.تەڭگە نەسيە الىپ، كولىك جوندەۋ قىزمەتىنە قاجەتتى جابدىقتاردى الادى. بۇگىندە جاس كاسىپكەر 1 ادامدى جۇمىسپەن قامتىپ وتىر. الداعى ۋاقىتتا كورسەتەتىن قىزمەت تۇرلەرىن كەڭەيتۋدى دە جوسپارلاۋدا.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار