ايماقتار • 17 اقپان، 2020

سەمەيلىك وقۋشىلار جۇلدەگەر اتاندى

35 رەتكورسەتىلدى

سەمەي قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ ءباسپاسوز قىزمەتشىسى ەرمەك يساباەۆ حابارلاعانداي، قازاقستان رەسپۋبليكاسى ءبىلىم جانە عىلىم مينيسترلىگىنىڭ «دارىن» رەسپۋبليكالىق عىلىمي-پراكتيكالىق ورتالىعى جىل سايىن جالپى ءبىلىم بەرەتىن پاندەر بويىنشا رەسپۋبليكالىق عىلىمي جوبالار بايقاۋىن وتكىزىپ كەلە جاتىر.

بيىلعى بايقاۋ 11-14 اقپان ارالىعىندا الماتى قالاسى ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا ءوتتى. وسى بايقاۋعا سەمەي قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنەن قاتىسقان 12-ءىنشى سىنىپ وقۋشىسى ۇلان سەيىتقاليەۆ ءوزىنىڭ كومپيۋتەرلىك جانە فيزيكالىق مودەلدەر ارقىلى تابيعي جانە ۆيرتۋالدى ورتالىق كۇشتەردىڭ زاڭدىلىقتارىن زەرتتەۋگە ارنالعان عىلىمي جوباسىمەن 1-ءشى ورىندى، 11 سىنىپ وقۋشىلارى بەك قادەسوۆ پەن الىشەر رىمقاننىڭ بىرلەسە جاساعان ونكوتەراپيادا قولدانىلاتىن التىن نانوبولشەكتەردىڭ قۇرىلىمىن زەرتتەۋگە ارنالعان عىلىمي جوباسى 2-ءشى ورىندى جەڭىپ الدى. ەسكە سالار بولساق، جاقىندا جوبا اۆتورلارى مەن جەتەكشىسى ونكوتەراپيادا قولدانۋعا ارنالعان التىن نانوبولشەكتەردىڭ قۇرىلىمىن زەرتتەۋگە ارنالعان اۆتورلىق جۇمىستارى ءۇشىن سەرتيفيكاتقا يە بولعان بولاتىن. شاكىرتتەرىمىز جەڭىسكە جەتۋ جولىندا تىنىمسىز ەڭبەكتەنگەندىكتەرىن اتاپ ءوتۋىمىز كەرەك، دەيدى ەرمەك يساباەۆ.

رەسپۋبليكالىق عىلىمي جوبالار بايقاۋى - بۇل «قازاقستان-2050» ستراتەگياسى اياسىنداعى رەسپۋبليكانىڭ ەكونوميكالىق، الەۋمەتتىك جانە مادەني دامۋىنىڭ مودەلدەرى» تاقىرىبىنداعى مەكتەپ وقۋشىلارىنىڭ عىلىمي زەرتتەۋ بايقاۋى. بيىل جاس زەرتتەۋشىلەر: «عىلىمي-تەحنيكالىق پروگرەسس ەكونوميكالىق ءوسۋدىڭ نەگىزگى بۋىنى رەتىندە»، «ەكونوميكالىق جانە الەۋمەتتىك پروتسەستەردى ماتەماتيكالىق مودەلدەۋ»، «تازا تابيعي ورتا – «قازاقستان-2050» ستراتەگياسىن ىسكە اسىرۋدىڭ نەگىزى جانە «قازاقستاننىڭ تاريحي ەسكەرتكىشتەرى جانە پەرسپەكتيۆالى تۋريستىك مارشرۋتتار» تاقىرىپتارى بويىنشا ءتورت باعىتتا باق سىناستى.  بايقاۋدىڭ ءبىرىنشى مەكتەپىشىلىك كەزەڭىندە 21604 وقۋشى قاتىستى. ەكىنشى اۋداندىق كەزەڭدە - 7332، ءۇشىنشى وبلىستىق كەزەڭدە - 3381 وقۋشى ءوز بىلىمدەرىن تەكسەردى. سايىستىڭ قورىتىندى كەزەڭىنە 737 جاس زەرتتەۋشىلەردىڭ 587 عىلىمي جوبا ۇسىنىلدى.

سوڭعى جاڭالىقتار

ۇقساس جاڭالىقتار