ايماقتار • 17 اقپان، 2020

ۋنيۆەرسيتەت ستۋدەنتتەرى تەرگەۋشىلەرمەن كەزدەستى

92 رەتكورسەتىلدى

ماڭعىستاۋ وبلىستىق پوليتسيا دەپارتامەنتى تەرگەۋ باسقارماسىندا قازاقستان رەسپۋبليكاسى ىشكى ىستەر ورگاندارىنىڭ تەرگەۋ سالاسى قىزمەتكەرلەرىنىڭ وڭ ءيميدجىن قالىپتاستىرۋ، تەرگەۋ سالاسىنا بىلىكتى، جاس زاڭگەر مامانداردى تارتۋ، سونىمەن قاتار، ماڭعىستاۋ وبلىستىق پوليتسيا دەپارتامەنتى مەن ش.ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتى اراسىنداعى قارىم-قاتىناستى ودان ءارى نىعايتۋ ماقساتىندا كەزدەسۋ ءوتتى. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.

ىشكى ىستەر ورگاندارىنىڭ تەرگەۋ قىزمەتى وسىدان 57 جىل بۇرىن قۇرىلعاننان باستاپ كوپتەگەن ءتۇيىندى ماسەلەگە، قىلمىس دەڭگەيىنىڭ، ونىڭ ىشىندە ۇيىمداسقان نىسانداردىڭ كۇرت وسۋىنە، جەتكىلىكسىز ماتەريالدىق-تەحنيكالىق جارامدىلىققا، جوعارى جۇكتەمە مەن كادرلاردىڭ تۇراقتاماۋىنا توتەپ بەرۋ جولىندا ۇدايى قۇقىقتىق جۇيەنى جەتىلدىرۋمەن اينالىسىپ كەلەدى.

- تەرگەۋشى لاۋازىمىنا جوعارى زاڭ ءبىلىمى بار ءاربىر ادام تاعايىندالا الادى. ياعني تەرگەۋ سالاسىندا قىزمەت ەتۋ ءۇشىن تەك قانا ءىىم-ءنىڭ ۆەدومستۆولىق وقۋ ورىندارىن ءبىتىرۋ شارت ەمەس، سونىمەن قوسا، وزدەرىڭىز سياقتى ءار-ءتۇرلى ازاماتتىق، جوعارى وقۋ ورىندارىنىڭ تۇلەكتەرى دە جۇمىسقا قابىلدانادى. ازاماتتىق جوعارى وقۋ ورىندارىنىڭ تۇلەكتەرى تەرگەۋ سالاسىنا جۇمىسقا ورنالاسۋ ءۇشىن ديپلوم العاننان كەيىن ءىىم-ءنىڭ قاراعاندى اكادەمياسىندا باستاپقى دايارلىق كۋرسىنان وتەدى. الايدا وقۋ ورنىن بىتىرگەن كەز كەلگەن جاس مامان بىلىكتى تەرگەۋشى بولىپ قالىپتاسپاۋى مۇمكىن. تەرگەۋشىلەر قۇقىقتىق ءتارتىپتى نىعايتۋ جانە قىلمىسقا قارسى كۇرەس ىسىنە جان-جاقتى دەنساۋلىعى مەن ءبىلىمىن جۇمساۋعا ءماجبۇر. ولار جەكە ۋاقىتىمەن ساناسپاي، تاباندىلىقپەن جانە قاعيداتتىلىقپەن قىلمىستاردى اشادى جانە تەرگەيدى. وتپەلى كەزەڭنىڭ پروبلەمالارىنان ءوتۋ ارقىلى تەرگەۋ قىزمەتكەرلەرىنىڭ كاسىبيلىگى قالىپتاسادى، بۇل العا قويىلعان ماقساتتاردى تابىستى شەشۋگە مۇمكىندىك بەرەدى.

تەرگەۋ سالاسىندا تەك قانا ەر جىگىتتەر ەمەس، سولارمەن بىرگە قىزدار دا كۇندەلىكتى قيىنشىلىقتارعا قاراماستان ايانباي ەڭبەك ەتۋدە.

تەرگەۋشىلەردىڭ قازىرگى بۋىنىنا قيىن جاعدايدا جۇمىس ىستەۋگە تۋرا كەلەدى - قىلمىستىق دەليكتەر جۇيەسى تۇپكىلىكتى قايتا قارالعان، ۋاقىتتىڭ شىنايىلىعى ەسكەرىلە وتىرىپ جاڭا تاراۋلار مەن قىلمىس قۇرامدارى ەنگىزىلۋدە. قىلمىستىق ىستەر بويىنشا سوتقا دەيىنگى ءىس جۇرگىزۋ تولىعىمەن وزگەردى، قازىرگى كەزدە تەرگەۋشىلەر قاعاز فورماتتا جانە ەلەكتروندى فورماتتا قىلمىستىق ىستەردى تەرگەپ ولاردى سوتقا جولدايدى. جوعارى كاسىبي شەبەرلىك پەن جاۋاپكەرشىلىك سەزىمى ءوز قىزمەتىندە جاڭا زاڭداردى باسشىلىققا الۋعا جانە قۇقىق قولدانۋ پراكتيكاسىندا تۋىندايتىن كەز كەلگەن ماسەلەلەردى تابىستى شەشۋگە مۇمكىندىك بەرەدى. زاڭ تالاپتارىنا سايكەس قىلمىستىق ىستەردى تەرگەي وتىرىپ، تەرگەۋشى زاڭدىلىق پەن بەلگىلەنگەن دەموكراتيالىق قاعيداتتاردى تەك قانا بەكىتپەي، ازاماتتار قۇقىقتارىنىڭ قورعالۋىن قامتاماسىز ەتەدى، ويتكەنى ءار قىلمىستىق ءىستىڭ ارتىندا ادام ءومىرى، ولاردىڭ پروبلەمالارى تۇر، دەدى ستۋدەنتتەرگە كەزدەسۋدە پد باستىعىنىڭ تەرگەۋ جونىندەگى ورىنباسارى، پوليتسيا پولكوۆنيگى امانگەلدى دوسجانوۆ.

ا.اسقار ۇلى ء«وز بورىشىن لايىقتى اتقاراتىن، مۋندير بەدەلىن ساقتايتىن، ىسىنە ادالدىق تانىتاتىن ناعىز كاسىبي شەبەرلەردى ماقتان تۇتامىز» دەپ پوليتسيا قىزمەتىنىڭ جالپى جۇمىسىمەن قىسقاشا تانىستىردى. قازىرگى ۋاقىتتا جالپى پوليتسيا قىزمەتكەرلەرى، ونىڭ ىشىندە تەرگەۋ سالاسىنىڭ قىزمەتكەرلەرى مەملەكەت تاراپىنان الەۋمەتتىك جاعىنان تولىعىمەن قامتىلعان. سوڭعى 2 جىلدا ەڭ جوعارى كورسەتكىشتەرگە قول جەتكىزگەن تەرگەۋشىلەر دەپارتامەنتتىڭ قولداۋىمەن وزدەرىنىڭ جانۇيا مۇشەلەرىمەن بىرگە شەت ەلدەرگە جازعى دەمالىستارعا جىبەرىلدى. الداعى ۋاقىتتا دا وسى ءۇردىس جالعاسىن تاباتىن بولادى.

ءسوز سوڭىندا ا.دوسجانوۆ كەلگەن ستۋدەنتتەردىڭ وقۋلارىنا ساتتىلىك تىلەي وتىرىپ، تاڭداعان ماماندىقتارىنىڭ يەسى بولۋىنا تىلەك ءبىلدىردى. سونىمەن قاتار عيماراتتا ورنالاسقان جەدەل-كريميناليستيكالىق پوليگونىمەن، سول قىزمەتتىڭ تىنىس-تىرشىلىگىمەن، تەرگەۋ بولمەلەرى مەن ارنايى تەحنيكالارمەن تانىستىرىپ، قىلمىس وقيعاسىنىڭ بولعان جەرىنە قاراپ-تەكسەرۋ جۇرگىزۋ بويىنشا وقۋ-جاتتىعۋ ساباعىن وتكىزدى.

سوڭعى جاڭالىقتار

ۇقساس جاڭالىقتار