ايماقتار • 17 اقپان، 2020

«قازاقشا كۇرەس» چەمپيوناتىندا «تۇيە پالۋان» نوميناتسياسىن پوليتسەيلەر جەڭىپ الدى

45 رەتكورسەتىلدى

كەڭەس وداعى اسكەرىنىڭ اۋعان تەرريتورياسىنان شىققانىنا 31 جىل تولۋىن اتاپ ءوتۋ ماقساتىندا، ماڭعىستاۋ وبلىسى پد جانە «دينامو» سپورت قوعامىنىڭ ۇيىمداستىرۋىمەن ماڭعىستاۋ وبلىسى قۇقىق قورعاۋ ورگاندارى اراسىندا «قازاقشا كۇرەستەن» چەمپيونات ۇيىمداستىرىلدى. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.

«رۋحاني-جاڭعىرۋ» باعدارلاماسى اياسىندا ەلىمىزدە ۇلتتىق سپورت تۇرلەرىن دامىتۋ ارقىلى سالاۋاتتى ءومىر سالتىن قالىپتاستىرۋ، جاستاردى ۇلتتىق سپورت تۇرلەرىمەن شۇعىلدانۋعا تارتۋ، قازاق كۇرەسىنىڭ اياسىن كەڭەيتۋ ماقساتىنداعى چەمپيوناتقا بارلىعى 11 كوماندا، 90-عا جۋىق قىزمەتكەرلەر قاتىستى. چەمپيونات 6 ءتۇرلى سالماق دارەجەسىندە «دينامو» سپورت كەشەنىندە وتكىزىلدى. چەمپيوناتتىڭ اشىلۋىنا ماڭعىستاۋ وبلىسى پد-ءنىڭ باسشىلارى، ءىىو-نىڭ ارداگەرلەر توراعاسى جانە اۋعان سوعىسىنىڭ ارداعەرلەرى قاتىسىپ، قازاقستان رەسپۋبليكاسىنىڭ گيمنى شىرقالدى. چەمپيوناتتا ماڭعىستاۋ وبلىسى «قازاقشا كۇرەس» فەدەراتسياسىنىڭ اعا جاتتىقتىرۋشىسى قايرات بۋرباسوۆ تورەشىلىك ەتتى.

سونىمەن قاتار 90 كەلىدەن جوعارى سالماق دارەجەسىندە «تۇيە پالۋان» نوميناتسياسىنادا بەلدەسۋلەر وتكىزىلدى.

تۋرنير ماڭعىستاۋ وبلىسى پد-ءنىڭ «فەيسبۋك» جانە «ينستاگرامم» الەۋمەتتىك جەلىلەرىنىڭ تىكەلەي ەفيرىنەن كورسەتىلىپ، كورەرمەندەر جەلى ارقىلى جانكۇيەرلىك ەتتى.

پد باستىعىنىڭ ورىنباسارى پوليتسيا پودپولكوۆنيگى قاليەۆ التىنبەك جۇلدەلى ورىن العان كوماندالار مەن قىزمەتكەرلەردى مەدالدارمەن، گراموتالارمەن جانە باعالى سىيلىقتارمەن ماراپاتتادى، سونداي-اق ءساۋىر ايىندا پەتروپاۆل قالاسىندا قازاقشا كۇرەستەن وتەتىن ءىىم-ءنىڭ چەمپيوناتىندا جەڭىس بيىگىننە كورىنۋگە تىلەك ءبىلدىردى.   

سوڭعى جاڭالىقتار

ۇقساس جاڭالىقتار