وبلىستا العاشقى مارتە ۇيىمداستىرىلعان جارىسقا وزبەكستان, قىرعىزستان مەملەكەتتەرىنەن, نۇر-سۇلتان, الماتى, بايقوڭىر قالالارىنان جانە الماتى, جامبىل, تۇركىستان, شىعىس قازاقستان, ماڭعىستاۋ قىزىلوردا وبلىستارىنان 12 كوماندا قاتىسۋدا.
جارىسقا قۇرمەتتى قوناق رەتىندە شاقىرىلعان قوعام قايراتكەرى ولجاس سۇلەيمەنوۆ الماتى قالاسىنىڭ «كازناۋ» كومانداسى قۇرامىندا ويىن كورسەتتى. ايتا كەتەيىك, بۇل جارىس بۇعان دەيىن الماتى, تاراز, اتىراۋ قالالارىندا ءوتىپ كەلگەن.
شارادا وبلىس اكىمىنىڭ ورىنباسارى ن.بايقاداموۆ اعا بۋىننىڭ ۇلگىلى جولىن ناسيحاتتايتىن ءدۇبىرلى باسەكە ارداگەرلەرگە قۇرمەتپەن قاتار بۇقارالىق سپورتتى دامىتۋدىڭ ءتيىمدى ءتاسىلى ەكەندىگىن ايتتى.
- وسكەلەڭ ۇرپاقتىڭ پاتريوتتىق رۋحىن كوتەرەتىن تاعىلىم مەن تاربيە شاراسىنا اينالعان بۇل باستامانىڭ قولداۋشىلارى كوپ. قازىر وبلىستا وسى سپورت تۇرىمەن 28 مىڭنان استام ادام شۇعىلدانادى, - دەدى وبلىس اكىمىنىڭ ورىنباسارى.
