ايماقتار • 15 اقپان، 2020

قىزىلوردادا ەسكە الۋ ميتينگىسى ءوتتى

154 رەتكورسەتىلدى

وبلىس اكىمى قۋانىشبەك ىسقاقوۆ كەڭەس اسكەرلەرىنىڭ اۋعان جەرىنەن شىعارىلعانىنا 31 جىل تولۋىنا ارنالعان "اۋعان. سونگەن شوق، وشكەن ارمان..." اتتى ەسكە الۋ ميتينگىسىنە قاتىستى. شاراعا اۋعان سوعىسى ارداگەرلەرى، اسكەري قىزمەتشىلەر مەن "جاس ساربازدار" قوعامدىق ۇيىمىنىڭ مۇشەلەرى كەلدى. بۇل تۋرالى وبلىس اكىمىنىڭ ءباسپاسوز قىزمەتى حابارلايدى.

اۋعان سوعىسىنا قازاق جەرىنەن 22 مىڭنان استام جاۋىنگەر قاتىسقان. ال سىر وڭىرىنەن 800-دەن اسا ازامات شاقىرىلىپ، 18 جەرلەسىمىز وققا ۇشتى.  

ايماق باسشىسى ءار ۋاقىتتىڭ ءوز تاريحى، ءوز ەستەلىگى بولاتىنىن ايتتى. سول سەبەپتى دە ءتۇرلى داۋىردە ادامزاتتى ءدۇر سىلكىندىرىپ، قانشاما ميلليونداعان جانداردىڭ ءومىرىن قيعان قاتىگەز سوعىستار ەشقاشان ۇمىتىلمايدى.

– اۋعان سوعىسىندا 50-دەن اسا ازاماتىمىز مەملەكەتتىك ناگرادالار - «قىزىل جۇلدىز» وردەنى جانە «ەرلىگى ءۇشىن»، مەدالدارىمەن ماراپاتتالدى. بۇگىن ءجالاڭتوس ءباحادۇر، جانقوجا مەن بۇقارباي، جانازار سياقتى قامال بۇزار حاس باتىرلار رۋحى قولداعان، ەرلىگى مەن ورلىگىن قايتالاعان سىزدەر سياقتى ايبىندى جاۋىنگەرلەردىڭ كۇنى. سىزدەر اۋعان جەرىندەگى حالىقتىڭ بەيبىت ءومىرىن قورعاۋعا قاتىسىپ، ازاماتتىق بورىشتارىڭىزدى اسقاق ابىرويمەن اتقاردىڭىزدار،- دەدى وبلىس اكىمى.

سونىمەن قاتار، شارادا اۋعان دالاسىندا قازا تاپقان ساربازدار رۋحىنا قۇران باعىشتالىپ، گۇل شوقتارى قويىلدى.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار