گوللانديالىق ينيتسياتورلاردىڭ Mars One جوباسى بويىنشا مارس پلانەتاسىنا قايتپاس ساپارعا اتتانۋعا تىلەك ءبىلدىرىپ, ارىز جازعانداردىڭ سانى قازىردىڭ وزىندە 100 مىڭ ادامعا جەتتى. بۇل تۋرالى CNN ارناسى حابارلادى.
Mars One جوباسى مارسقا ەندى جەرگە قايتىپ كەلمەيتىن ەكسپەديتسيا ۇيىمداستىرۋدى كوزدەيدى. ەكسپەديتسيا مۇشەسى بولعىسى كەلەتىندەردى ىرىكتەۋگە ارنالعان رەسمي ورىن بيىلعى ءساۋىر ايىندا اشىلدى.
جوبانى جاساۋشىلار «قىزىل پلانەتانى» جاۋلاپ الۋ 2022 جىلى باستاۋدى جوسپارلاپ وتىر. وسىعان دەيىن, 2015 جىلدىڭ شىلدەسىنە قاراي العاشقى 24 ۇمىتكەر ىرىكتەلىپ الىنادى دەپ كۇتىلۋدە. ولار بۇدان كەيىنگى 7 جىل بويى ۇشۋ ساپارىنا دايىندالادى. ءار ۇشۋ كەمەسىنە 4 ادامنان وتىرعىزىلادى.
مۇرات ايتقوجا.
