قىزىلوردا وبلىسى جاڭاقورعان اۋدانىندا ءتارتىپ ساقشىلارى كورشىسىنىڭ ەشكىسىن ساتىپ جىبەرگەن ادامدى ۇستادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنىڭ دەرەگىنە سىلتەمە جاساعان «قازاقپارات» ءتىلشىسى حابارلادى.
«تامىز ايىنىڭ 6-سى كۇنى قىزىلوردا وبلىسى جاڭاقورعان اۋدانىنىڭ 1973 جىلى تۋعان تۇرعىنى اعىمداعى جىلى ناۋرىز ايىندا جايىلىمعا ايداپ جىبەرگەن 1 باس ەشكىسىنىڭ ورىستەن كەلمەگەندىگى جونىندە ارىزدانعان. ىزدەستىرۋ شاراسىنىڭ ناتيجەسىندە كۇدىكتى وسى اۋداننىڭ 1991 جىلى تۋعان تۇرعىنىنىڭ ەشكىنى ءوز قوراسىنا قاماپ, كەيىن ونى اۋدان ورتالىعىنداعى وزگە بىرەۋگە 10 مىڭ تەڭگەگە ساتىپ جىبەرگەندىگى بەلگىلى بولدى», - دەلىنگەن حابارلامادا.
قازىرگى تاڭدا كۇدىكتى ۇستالىپ, كىناسىن تولىق مويىندادى. تەكسەرۋ امالدارى ودان ءارى جالعاسۋدا.
سۇلتان بوزايعىر.
