بۇگىندە بوستاندىق اۋدانىندا 29 714 كاسىپورىن تىركەلگەن, ونىڭ ىشىندە ىسكە قوسىلىپ تۇرعاندارى – 17 359.
شاعىن جانە ورتا بيزنەستى قولداۋ مەن دامىتۋ ۇشىن«بيزنەستىڭ جول كارتاسى-2020», «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جج. ارنالعان «ەڭبەك» باعدارلاماسى», «بيزنەس باستاۋ», «ىسكەر انا» باعدارلامالارى ىسكە اسىرىلۋدا.
«بيزنەستىڭ جول كارتاسى-2020» بيزنەستى قولداۋ جانە دامىتۋ مەملەكەتتىك باعدارلاماسىن ىسكە اسىرۋ بارىسىندا اۋدان بويىنشا جالپى سوماسى 9,4 ملرد.تەڭگەگە 17 جوبا سۋبسيديالاندى. «باستاۋ بيزنەس» كاسىپكەرلىك نەگىزدەرى جوباسى بويىنشا 755 ادام وقۋدان ءوتتى. ولاردىڭ 418-ءى ءوز بيزنەسىن اشۋ ءۇشىن گرانتتاردى قورعادى. كوپ بالالى وتباسىلاردى قولداۋ ماقساتىندا وتكەن جىلى «باقىتتى وتباسى» ورتالىعى اشىلدى. وسى ورتالىقتىڭ بازاسىندا «ىسكەر انا» جوباسىن دامىتۋ اياسىندا 20 كوپ بالالى انالارعا دەمەۋشىلەردى تارتا وتىرىپ, ءوز بيزنەسىن دامىتۋعا ارنالعان جابدىقتار ساتىپ الىندى. سونداي-اق «Almaty Business-2025» كاسىپكەرلىكتى دامىتۋ ايماقتىق باعدارلاماسى اياسىندا «Qolday» كاسىپكەرلىك ورتالىعى قۇرىلدى.
الەۋمەتتىك قورعاۋ شارالارىمەن 6 209 ادام قامتىلدى, ونىڭ ىشىندە 4 332 جۇمىسقا ورنالاستىرىلدى. ەسەپتى كەزەڭدە حالىقتىڭ الەۋمەتتىك وسال توپتارىن قولداۋدا 6 740 ادام جالپى سوماسى 124 ملن. تەڭگەدەن استام الەۋمەتتىك تولەم الدى. ونىڭ ىشىندە, اتاۋلى الەۋمەتتىك كومەكتى 32,3 ملن. تەڭگەگە 641 از قامتىلعان وتباسى (2 978 ادام) الدى.
دەنساۋلىق ساقتاۋ جانە ءبىلىم سالاسى بويىنشا اۋداندا 32 مەديتسينالىق مەكەمە جۇمىس ىستەيدى, ونىڭ ىشىندە مەملەكەتتىك تاپسىرىس بويىنشا جۇمىس ىستەيتىن 7 جەكە مەنشىك. سونداي-اق, 200-دەن استام جەكە مەنشىك دەنساۋلىق ساقتاۋ ۇيىمدارى بار. اۋدان بويىنشا مەملەكەتتىك مەكەمەلەردىڭ مەديتسينالىق جابدىقتاندىرىلۋى 84,6% قۇرايدى. حالىقتى مەديتسينالىق قىزمەتتەرمەن قادامدىق قولجەتىمدى قامتاماسىز ەتۋ ماقساتىندا 2019 جىلى قالالىق ستۋدەنتتىك ەمحانا نۇر-مۇباراك ۋنيۆەرسيتەتىندە جانە الماتى قۇرىلىس جانە حالىق كاسىپشىلىگى كوللەدجىندە 2 دارىگەرلىك امبۋلاتوريا اشتى.
اعىمداعى جىلدىڭ 2-ءشى توقسانىندا 3 امبۋلاتوريا اشۋدى جوسپارلانىپ وتىر: «بالالارعا شۇعىل مەديتسينالىق كومەك كورسەتۋ ورتالىعى» ءۇشىن قابىلداۋ بولىمشەسى; «قالالىق بالالار كلينيكالىق جۇقپالى اۋرۋلار ەمحاناسى» عيماراتىنا 70 توسەكتىك قوسىمشا قۇرىلىس; 250 توسەكتىك كوپ سالالى اۋرۋحانا ونكوورتالىقپەن; «ورتالىق قالالىق كلينيكالىق ەمحانانىڭ» 3 پاۆيلونىن قايتا جاڭارتۋ.
اۋدانداعى جالپى ورتا ءبىلىم بەرۋ جۇيەسىنە 56 ۇيىم كىرەدى (ونىڭ ىشىندە 22 جەكە مەنشىك جانە 34 مەملەكەتتىك مەكتەپ). بوستاندىق اۋدانى مەكتەپتەرىنىڭ جوبالىق قۋاتى 25 873 وقۋشى ورنىن قۇرايدى. وقۋشىلاردىڭ جالپى كونتينگەنتى 42 93. وتكەن وقۋ جىلىمەن سالىستىرعاندا وقۋشىلار 4 019عا كوبەيگەن. وقۋشى ورىندارىنىڭ تاپشىلىعى 4 270 قۇرايدى. وقۋشىلار ورىندارىنىڭ تاپشىلىعىن قىسقارتۋ ءۇشىن مەكتەپتەردىڭ نەگىزگى عيماراتتارىنا قوسىمشا قۇرىلىس سالۋ بويىنشا بىرقاتار ءىس-شارالار جۇرگىزىلۋدە.
الماتى
