ايماقتار • 14 اقپان، 2020

قوعامدىق كەڭەس الدىندا ەسەپ بەردى

51 رەتكورسەتىلدى

وبلىس اكىمى قۋانىشبەك ىسقاقوۆ وبلىستىق قوعامدىق كەڭەس مۇشەلەرىمەن كەزدەستى. كەزدەسۋدە ايماق باسشىسى 2019-2022 جىلدارعا ارنالعان وبلىستىڭ الەۋمەتتىك-ەكونوميكالىق دامۋىنىڭ كەشەندى جوسپارى تۋرالى ايتىپ، وڭدەۋ ونەركاسىبى، اگروونەركاسىپتىك كەشەن مەن تۇرعىن ءۇي قۇرىلىسى باعىتىنداعى اتقارىلعان جۇمىستارعا توقتالدى.

جىل قورىتىندىسىندا جالپى ەكونوميكالىق دامۋدىڭ 7 كورسەتكىشى بويىنشا قىزىلوردا ۇزدىك 8 وبلىستىڭ قاتارىندا تۇر.
بىلتىر وبلىس ەكونوميكاسىنا 400 ملرد تەڭگەدەن استام ينۆەستيتسيا سالىنىپ، كورسەتكىش 2018 جىلمەن سالىستىرعاندا 17،4 پايىزعا ارتقان. وسىنىڭ ارقاسىندا قىزىلوردا ينۆەستيتسيالار ءوسىمى وسكەن وڭىرلەر قاتارىنان ورىن الدى. وتكەن جىلى 25 الەۋمەتتىك نىساننىڭ قۇرىلىسى باستالىپ، ونىڭ 12-اياقتالدى، قالعان 13-ءى بيىل جالعاسادى.

وبلىس اكىمى قوعامدىق كەڭەس الدىنداعى ەسەبىندە  شيكىزاتتىق ەمەس سەكتوردى، اسىرەسە، ەكسپورتقا باعىتتالعان ءوندىرىستى دامىتۋعا باسا نازار اۋدارۋ قاجەتتىگىن ايتتى.

وسى جىلدىڭ كوكتەمىندە اس تۇزىن وڭدەۋ جانە يودتاۋ زاۋىتىن ىسكە قوسامىز. وعان قوسا، 4 مىڭ توننا بالىق وڭدەيتىن تسەحتى، قۋاتى 1500 توننا قۇس ەتىن وندىرەتىن قۇس فابريكاسىن، ءىرى قارا مال وسىرەتىن كەشەندى اياقتاۋ جوسپارلانۋدا. سونىمەن قاتار، تۇيە سۇتىنەن قۇرعاق ءسۇت شىعاراتىن ءوندىرىسى مەن شىنى پلاستيكالىق جەلىلىك جانە جوعارى قىسىمداعى سورعى-كومپرەسسورلىق ترۋبالار وندىرىستەرىنىڭ قۇرىلىسى باستالماق، دەدى وبلىس اكىمى.

وڭىردەگى اگروونەركاسىپتىك كەشەننىڭ ءونىمى الەمنىڭ 19 ەلىنە جىبەرىلۋدە. ەكسپورتتالاتىن ءونىم تىزبەسى دە سوڭعى جىلدارى ارتا تۇسكەن. وتكەن جىلى وبلىستا 760 مىڭ شارشى مەتر تۇرعىن ءۇي پايدالانۋعا بەرىلدى. 

كەزدەسۋ بارىسىندا ءوڭىر باسشىسى «بايقوڭىر» ەركىن ەكونوميكالىق ايماعىن قۇرۋ، «قورقىت اتا» اۋەجايىندا حالىقارالىق تالاپتارعا ساي جولاۋشىلار تەرمينالىن سالۋ، 2019-2021 جىلدارعا ارنالعان وڭىرلىك الەۋمەتتىك جول كارتاسى ماسەلەلەرىنە دە توقتالدى.

قوعامدىق كەڭەس مۇشەلەرى دە ويلارىن ورتاعا سالىپ، ۇسىنىستارىن جەتكىزدى.   

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار