نۇر-سۇلتان باعىتىنداعى 36-شاقىرىمدا 20-عا جۋىق اۆتوكولىك ءوزارا سوعىلدى. قازىرگى ساتتە وقيعا ورنىندا 8 اۆتوكولىك قالعان, قالعاندارى ساپارلارىن جالعاستىردى.
قارسى باعىتتا, 37-شاقىرىمدا 16 اۆتوكولىك ءوزارا سوعىلدى. مۇندا 5 ادام جاراقات العان. ونىڭ ىشىندە 2 جاسار بالا دا بار. ءبۇلدىرشىندى جەدەل جاردەم, ال جاراقات العان ەرەسەك ازاماتتاردى جەڭىل اۆتوكولىكتەر اۋرۋحاناعا جەتكىزدى. اتالمىش ۋچاسكەدە 9 ارنايى تەحنيكا (3 قۇرامداستىرىلعان جول ماشيناسى, 3 تيەگىش, 2 اۆتوگرەيدەر مەن 1 ەكسكاۆاتور) جۇمىس جاساۋدا.
ءۇشىنشى جول-كولىك وقيعاسى «نۇر-سۇلتان-تەمىرتاۋ» اۆتوجولىنىڭ 1408-شاقىرىمىندا ساعات 16:00 ماڭىندا بولدى. شوقاي ەلدى مەكەنىنىڭ قاسىندا بولعان اپاتتا 15 كولىك ءوزارا سوعىلدى. ونىڭ ىشىندە 3 جۇك ماشيناسى, 2 گازەل, 10 جەڭىل كولىك بار. بۇل ۋچاسكەدە 9 ارنايى تەحنيكا (2 قۇرامداستىرىلعان جول ماشيناسى, 3 تيەگىش جانە 4 اۆتوگرەيدەر) جۇمىس ىستەپ جاتىر. بارلىق اپاتتار كورۋ قاشىقتىعى كۇرت تومەندەگەن لوكالدى ايماقتاردا بولعان.
