شارا اياسىندا وسى اۋماق تۇرعىندارىنا جاۋاپتى ۋچاسكەلىك پوليتسيا ينسپەكتورلارىنىڭ اتى-جوندەرى, قىزمەتتىك جانە ۇيالى بايلانىس تەلەفوندارى كورسەتىلگەن ۆيزيتكالار تاراتىلدى.
پروفيلاكتيكالىق شارا بارىسىندا الكوگول ونىمدەرىن جيىرما ءبىر جاسقا دەيىنگى ادامدارعا ساتقان 6 ساتۋشى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 200-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتىلدى.
تۇرعىن ۇيلەردىڭ اۋلالارىندا ماساڭ كۇيدە جۇرگەن 3 ادام انىقتالىپ, ولار ۋاقىتشا بەيىمدەۋ جانە دەتوكسيكاتسيا ورتالىعىنا ورنالاستىرىلدى. قۇقىق بۇزۋشىلارعا قاتىستى اقبتك-ءنىڭ 440-بابىنا سايكەس اكىمشىلىك حاتتامالار تولتىرىلدى.
سونىمەن قاتار, ەل اۋماعىندا تىركەۋسىز نەمەسە جەكە باسىن كۋالاندىراتىن قۇجاتسىز تۇرۋدىڭ 19, ورتاق پايدالانىلاتىن ورىنداردى لاستاۋدىڭ 8, قالالار مەن ەلدى مەكەندەردىڭ اۋماقتارىن اباتتاندىرۋ ەرەجەلەرىن بۇزۋدىڭ 4 جانە شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋدىڭ 4 دەرەگى انىقتالدى.
تەكسەرۋ بارىسىندا قارۋدى ساقتاۋ ەرەجەلەرىن ساقتاماعانى ءۇشىن 4 تۇرعىن اكىمشىلىك جاۋاپكەرشىلىككە تارتىلىپ, ولارعا قاتىستى اقبتك-ءنىڭ 486-بابىنىڭ 1-بولىگى بويىنشا اكىمشىلىك حاتتامالار تولتىرىلدى.
كامەلەتكە تولماعانداردى بەيىمدەۋ ورتالىعىنا 2 ءجاسوسپىرىم جەتكىزىلىپ, ولاردىڭ اتا-انالارىمەن پروفيلاكتيكالىق اڭگىمە وتكىزىلدى. بۇل باعىتتاعى جۇمىستار ءوز جالعاسىن تابۋدا.
